碗盛 (已結業)

今日又係食日本菜嘅日子。同事慶祝生日，黎左依間位於天后嘅日式餐廳。我地六點多就黎到，未到晚餐高峰期，可以安排倒我地坐到包箱。包箱係榻榻米，腳係可以放入枱底，唔洗擔心會腳痹。我地叫左碗盛精選剌身美味涮涮鍋套餐（二人前）。前菜係和風汁豆腐同日本醬油淮山漬。豆腐滑身豆味清香，鹹鹹酸酸。淮山腌製入味，非常好開胃。精選時令刺身兩點今日係三文魚同吞拿魚腩碎日本宮城海膽。三文魚厚切，非常肥美。日本海膽果然唔同D，大粒又鮮味濃郁。天婦羅有虎蝦同埋蕃薯，炸粉適量好香脆，虎蝦大隻啖啖肉。蕃薯時令甜入心。原條日本花魚一夜千係我同事最愛，魚骨可以成片拿走，魚肉乾身但都鞋，煎香嘅花魚和味無窮。涮涮鍋我地要左原隻元貝赤蝦配蝦味噌什菜鍋。赤蝦尺寸巨大！個鍋都裝唔晒，蝦肉新鮮彈牙。蝦味噌湯底香濃，雜菜索晒湯汁好正！最後甜品係桃味嘅小蛋捲，精緻又好吃。依餐我同同事都好滿意同好滿足。