影片
更多
2018-12-02
543 瀏覽
好快就到聖誕節，港九多個地臨已掛起聖誕裝飾，灣仔「利東街」自從經歷蛻變後，不時都有啲大型裝置，之前就曾經有「月球」、「巨兔」，今回就喺「天使」。其實，小弟就唔喺嚟睇燈飾，只喺順路影張相，目的喺約咗剛去完青森返嚟嘅夏總同夏太一齊食飯。短短一條「利東街」堆滿人，人人都為個「天使」嚟打卡，因而帶動附近嘅餐廳都好多客人。是夜就揀咗佢哋好喜歡食嘅拉麵，選址新開無耐嘅「樂拉麵」，因為見Openrice個版面喺咁介紹：「特意請來日本隱世拉麵店主擔任顧問，確保不論湯底、麵條及配菜都能保持日本傳統做法」。剛踏入店內，以為地方唔大，原來，屈個彎仲有另一邊用餐區。最搶眼喺啲牆畫，近門口將整幅牆畫有一隻貓將軍「鼻鼻」，畫風甚具日本特色。而裡面亦有，仲喺好多隻貓貓添，「溫子」、「牛奶」……，喜歡貓嘅客人一定打晒卡。此外，部份牆上又掛起一啲舊式啤酒海報。廚房採用半開放式，睇到師傅煮麵，但又唔喺乜都睇晒。而廚房前就設置一列吧位，適合一、兩個人嘅組合。其實，裝修都算幾骨子，簡約式嘅和風。而最貼心喺櫈下可以放袋、放背囊，唔使擺晌地下，或櫈背阻住坐。枱上已經放有湯匙、筷子、紙巾及少少調味料，自由取用，唔使下下煩店員嘛。既
短短一條「利東街」堆滿人，人人都為個「天使」嚟打卡，因而帶動附近嘅餐廳都好多客人。是夜就揀咗佢哋好喜歡食嘅拉麵，選址新開無耐嘅「樂拉麵」，因為見Openrice個版面喺咁介紹：「特意請來日本隱世拉麵店主擔任顧問，確保不論湯底、麵條及配菜都能保持日本傳統做法」。
剛踏入店內，以為地方唔大，原來，屈個彎仲有另一邊用餐區。最搶眼喺啲牆畫，近門口將整幅牆畫有一隻貓將軍「鼻鼻」，畫風甚具日本特色。而裡面亦有，仲喺好多隻貓貓添，「溫子」、「牛奶」……，喜歡貓嘅客人一定打晒卡。此外，部份牆上又掛起一啲舊式啤酒海報。
廚房採用半開放式，睇到師傅煮麵，但又唔喺乜都睇晒。而廚房前就設置一列吧位，適合一、兩個人嘅組合。
其實，裝修都算幾骨子，簡約式嘅和風。而最貼心喺櫈下可以放袋、放背囊，唔使擺晌地下，或櫈背阻住坐。
枱上已經放有湯匙、筷子、紙巾及少少調味料，自由取用，唔使下下煩店員嘛。
既然叫「樂拉麵」，拉麵喺主打啦，翻一轉餐牌，拉麵一共有6款，正所謂有辣、有唔辣，定價由$68-$88，以拉麵而言，定價親民。而麵條有軟硬度選擇，可揀要唔要蔥花，更可追加額外配菜，彈性大。而拉麵以外，竟然仲有飯類，不過，喺迷你版本，只有3款，估計志在俾啲人試吓。
小食就必然預咗會有供應，因為，喺好多拉麵店嘅指定動作，但喺，佢哋嘅小食都算多，唔喺淨得餃子咁單一。不過，沙律及甜品就只喺各得1款，飲品就有多少少選擇，唯可惜店員話未有酒牌，飲品中嘅果汁汽酒就暫時未有供應。
波子汽水 $22未有機會試啲果汁汽酒，退而求其次就要支元袓波子汽水，純粹貪佢有股汽，哈哈！順帶一提，店家都有支持「走塑」行動，唔會主動提供飲管，但如有需要，都可以向店員索取。
日式炸豆腐 $36一客有三小件，件件都炸得金黃，色澤均勻，咬落老套啲講句都喺咁話架喇，外脆內嫩，裡面嘅豆腐仲喺好嫩滑，而且好有豆香。
海老餃子 $42平常餃子都喺豬肉餡多，但呢度就多加一款鮮蝦餡。一客有5隻，隻隻包得飽滿又煎得靚仔，入口皮薄而香脆，餡料鮮且富肉汁，水準不賴。
黑麻油豚骨叉燒拉麵 $78小弟對拉麵嘅口味未特色心水，但就有少少偏向黑蒜呀，黑麻油啲重口味類，而麵條就較喜歡硬麵，因為咬口啲。每碗拉麵都配有兩三片叉燒、溏心蛋、蔥花、黑木耳、海苔、高麗菜、炸藕片，所以，外觀睇落非常豐富。
先呷口湯，夠晒濃郁且富麻油香；啲叉燒好鬆化，有油香卻唔覺得膩，而且，更火炙過而添多一份焦香味；溏心蛋睇樣你就知對辦啦，而配菜都好好食，有特色；講到麵條，雖然唔算好掛湯，但柔韌有咬口，瀡瀡聲啜入口，且夠耐浸，食到尾都唔會出現過腍嘅情況。
特濃櫻花蝦蝦湯叉燒拉麵 $88夏太晌門口見到大大個介紹牌，就話已經選定好喺呢一款拉麵，其實喺鍾意櫻海老就真。
基本上，叉燒及配料跟我碗「黑麻油豚骨」無咩分別，主要喺個湯底用上特濃蝦湯，更撒上大量櫻花蝦。小弟亦好奇有幾特濃，瀡咗一口，堅濃喎，陣蝦味真喺幾突出，亦都幾鮮，無豬骨湯嗰種咁杰、咁漿口嘅感覺。
特濃櫻花蝦蝦湯叉燒拉麵
$88
16 瀏覽
0 讚好
0 留言
夏總成日話自己乜都食，其實就好多嘢都唔食，佢個人就喜歡原味多啲，所以，就簡單揀「香蔥塩味」。佢讚個湯底好正，唔會太濃，帶陣陣鹹鮮味，好對佢嘅口胃，而麵條、叉燒，佢都覺得具水準，加上份量十足，只賣七十幾蚊，抵食。
秘製香蔥塩味叉燒拉麵
$78
30 瀏覽
0 讚好
0 留言
見隔離枱點咗呢個泡飯，細細鍋，覺得大家幫吓手一定食得晒，所以，追加一客一齊「些牙」。唔講得笑，送到嚟已感受到嗰份熱氣騰騰，色澤深沉橙紅，入口勁蝦味，極之濃郁，飯粒煙糯，並且吸收晒啲湯汁味，感覺有少少似食意大利飯咁；而海鮮料都喺啲鮮蝦、帶子、魷魚圈、蜆肉，都算鮮甜，但就喺迷你版本。
因為我哋坐近門口嘅枱，睇住越食越多人等位，「利東街」有一定嘅號召力架，加上有啲巨型燈飾。其實，「樂拉麵」嘅拉麵本身都做得有水準，定價相宜，喺食得過嘅拉麵店。
張貼
