樓錦豐

營業中

休息中

之前同家人去樂富廣場喺UNY生活創庫食嘢😋 見到呢間樓錦豐嘅餐牌幾吸引，聽講呢度賣嘅都係正宗泰國食品，由泰國師父主理，手法都係正宗泰國風味😛 而且見到佢價錢都抵食就揀咗呢間，結果真係幾好味😋 推薦比大家！🐥 泰式無骨雞飯我叫嘅係泰式雞飯，成碟雞全部去晒骨，啖啖肉，食得好爽😋！而且雞肉嫩滑之餘又唔油膩，一定要沾埋呢度嘅特色泰式醬料食，多重滋味🤤！ 而個飯係雞油飯，香氣十足呀🥳 雞飯仲配一個清雞湯，清甜唔油膩。另外加錢可換購飲品🥤非常滿足。🍜 豬頸肉船湯河湯河嘅CP值好高！濃郁嘅船湯湯底，令我有種返咗泰國嘅滋味😍 而且船麵入面嘅食材又多又大份量，豬頸肉大大塊，又香又爽口😋！🥘 紅咖哩牛腩飯咖哩飯都一樣勁抵食！紅咖喱🍛香辣開胃，濃郁得嚟唔會太濟，而牛腩肥瘦適中，配埋咖哩食香濃惹味，好滿足🥳跟餐可以優惠價錢加購飲品🍋 青檸梳打🧋 泰式奶茶我仲叫咗杯青檸梳打，清爽解膩，好適合而家夏天飲☺️ 而泰式奶茶好香濃😋