茜廊餐廳 (樂富廣場A區)

營業中

休息中

第一次嚟樂富茜廊，之前都食過九龍灣嘅分店，算係連鎖式嘅西餐廳。今日午市時段嚟呢度，本身係想食壽司郎但係排大隊。呢間餐廳就算午市都冇乜人，所以都好容易搵到卡位坐，餐牌都有幾多選擇同埋都有優惠，都幾抵食！香草燒雞髀配鮮茄燴意粉$58- 午市套餐包埋餐湯同麵包、飲品，飲完羅宋湯同食完大大塊蒜蓉多士之後，其實已經飽咗幾成。蒜蓉包烘得太硬，點住羅宋湯一齊食會比較好。炸雞髀嘅雞皮非常邪惡，邊邊嘅肉就乾咗啲。意粉意外地好食，質感好滑，推介！鐵板西冷牛扒$76- 加$15有餐湯、麵包同飲品。本身想食肉眼牛扒，可惜賣晒冇貨。牛扒俾鬆肉粉醃到冇晒口感，五成熟啱啱好唔會鞋，夾燒肉汁幾好。炸薯條$6- 新鮮炸起嘅薯條永遠好食，點燒肉汁好味過點茄汁。