影片
更多
2024-01-15
238 瀏覽
因光顧過這裏的外賣都算不錯, 第二次再到店堂食, 怎料跟第一次堂食都有相同體驗, 我比其他枱客早落單, 但我的餐比其他枱遲遲都未到, 都是海南雞飯啫, 我朋友個餐都食咗一半喇! 我個餐仍未到, 兩次都要追問才到(出餐亂)。不單如此, 今次到訪, 更搞到一肚氣離開。與友人大約11點半到店, 接近12 點落單, 朋友個餐都不算太久已到, 但我個海南雞飯就遲遲未上, 眼見店員一份份海南雞飯拎出嚟, 但都唔係自己, 真奇怪, 便主動追單(因我肯定我哋早過其他枱客到並落單), 終於, 等到個餐大約12:30到了, 食完個餐, 見店員已急不及待收哂枱上的餐紙(墊), 我哋都識做, 隨即主動叫埋餐飲(由於我哋飲熱飲, 通常我哋會响餐後才叫, 免杯飲品攤到凍哂) , 餐飲到後, 温度當然熱, 我飲唔夠一半, 已不斷有不同店員行埋嚟, 用唔同方法使我哋感受到佢哋的存在(催緊我哋要飲快d), 應該話佢地想我哋快d 埋單。終於, 有位應該係經理走過嚟同我哋講(語氣不友善), 叫我哋要埋單, 我話, 我杯嘢仲好熱, 我倒唔到落去(意即冇咁快可全部倒入口), 我話你摸吓(我將個杯推俾佢摸), 佢竟然話, 我轉個
與友人大約11點半到店, 接近12 點落單, 朋友個餐都不算太久已到, 但我個海南雞飯就遲遲未上, 眼見店員一份份海南雞飯拎出嚟, 但都唔係自己, 真奇怪, 便主動追單(因我肯定我哋早過其他枱客到並落單), 終於, 等到個餐大約12:30到了, 食完個餐, 見店員已急不及待收哂枱上的餐紙(墊), 我哋都識做, 隨即主動叫埋餐飲(由於我哋飲熱飲, 通常我哋會响餐後才叫, 免杯飲品攤到凍哂) , 餐飲到後, 温度當然熱, 我飲唔夠一半, 已不斷有不同店員行埋嚟, 用唔同方法使我哋感受到佢哋的存在(催緊我哋要飲快d), 應該話佢地想我哋快d 埋單。終於, 有位應該係經理走過嚟同我哋講(語氣不友善), 叫我哋要埋單, 我話, 我杯嘢仲好熱, 我倒唔到落去(意即冇咁快可全部倒入口), 我話你摸吓(我將個杯推俾佢摸), 佢竟然話, 我轉個外賣杯俾你拎走。天呀! 這是什麼服務態度。我常外出光顧食肆, 從未有過這樣的要求。
其實我覺得這店食物質素不錯, 但店員服務態度就不感領教, 或應去再培訓, 重新學習怎樣去接招待客人。
建議:
1. 店可於客人入座前講明用餐時間如90分鐘之類(慘慘, 我由追佢個餐計(其實呢個係佢的問題), 到我俾佢催我走, 都只得大約60分鐘), 我後來有跟其中一個店員講話, 你哋唔講明話有限時 ? 心諗, 咁我可選擇光唔光顧(因我唔想食餐飯都要睇住個鐘), 店員話外面有寫, 我同友人, 揾過哂都見唔到有寫囉。再講, 以今時今日的經濟環境, 加上在樂富有很多很好的選擇都冇限時, 店可決定想留客定趕客。
2. 若真的咁想催交枱, 店員又唔响我哋用餐到一半就主動問我哋飲什麼餐飲? 搞到最後催住飲, 真係人都癲
3. 整體店員語氣態度好cool, 大家可以去感受吓, 經理更不用說, 應該要立一個好榜樣
結論, 食餐飯啫, 成肚氣! 加一服務費冇問題, 但咁樣服務, 真係貼錢買爛銹。搞到我對住友人鬼咁唔好意思, 因我介紹佢嚟光顧。
張貼