佛友源素食

營業中

休息中

今次嚟佛友源同以往一樣，要左個三餸飯($31白飯，白粥，湯自便任食; 三餸揀左薑蓉紫菜鴨，素回窩肉，紅燒扒根)，女友要碗時菜竹卷湯麵($14). 不太喜歡素肉，亦不太鍾意濃味，所以三個餸我只係比合格，最鍾意個薑蓉紫菜鴨.個薯仔黃豆湯就唔講得笑，對其他人嚟講就太清，我就非常喜歡，飲完一碗，食完飯再要左碗淨湯渣 女朋友嘅時菜竹卷湯麵要左公仔麵，麵上大竹卷(散叫$5)係每次嚟都會叫嘅美食，個湯底離奇地甜，可能係味精嘅關係，但係應該唔算重手，食完無口渴. 佢地嘅食物雖然唔算特別出色，但係我每次經過呢區都好樂意幫襯，支持吓呢d賣素食嘅家庭小店!