樂群茶餐廳 (已結業)

因為業主收樓，迄立北角炮台山三十多年的樂群茶餐廳就快結業！這真是我2007年最大的惡耗！呢間餐廳我細細個就幫襯，最鍾意佢新鮮出爐嘅 麵包，佢地自設餅房，所以麵包西餅嘅 水準好高，永無令人失望，特別係菠蘿油，鬆軟香滑，仲有至抵食嘅 拿破倫，簡直係大排檔價錢，五星酒店水準。餐廳嘅 籠仔荷葉飯，雖然要等成廿分鐘，但荷香四溢，用料十足，顯見大師傅的執著，令我明白等待是值得嘅！咖哩牛腩亦係我嘅 至愛，絕對唔可以錯過！樂群結業，在北角區仲邊度搵到咁高水準，咁低價錢嘅 飯堂？嗚....嗚....