琛夜食堂 (已結業)

出開尖沙咀，當然又係去厚福街覓食。最鍾意食芝士既我同朋友叫左荔枝煙肉串、原燒生蠔、芝士年糕、火炙芝士翠肉瓜、煙三文魚雜菜卷、芝士鰻魚玉子燒。荔枝煙肉串有原粒荔枝，好多汁，再用燒左既煙肉包住，好香好美味！燒生蠔好新鮮，唔會太乾，加上大量蒜蓉，好香好多汁！芝士年糕，店員好細心一開為二，外脆內軟，每一口都有好重芝士味，超正！火炙芝士翠玉瓜，一大片芝士放在翠玉瓜上燒，重芝士味之餘又唔會乾，好美味！煙三文魚雜菜卷擺盤好精美，用三文魚包住新鮮雜菜，食落外軟內脆，好有口感。芝士鰻魚玉子燒，熱辣辣，玉子好滑，夾著鰻魚粒，加上大量芝士，好香、好軟熟。