影片
更多
2022-11-26
595 瀏覽
🤗 小編約咗好幾個月冇見嘅朋友食晚飯，由於唔想再食pasta同去cafe嘅關係，最後諗起早前bookmark過依間🇲🇽墨西哥餐廳，希望食啲特別啲嘅菜式！［ 亂闖試飲試食 ］🥘 芝士蕃茄醬烤肉腸配MOBIN醃椰菜 😋😋😋😋😋係一道簡單而有風味嘅前菜，🧀芝士蕃茄醬同肉腸嘅配搭一定唔會有問題，肉腸烤得好香，😚兩三啖一舊嘅肉腸食落似脆皮腸，面頭嘅醃椰菜又唔會太酸，伴住肉腸食會感覺清爽啲！🌮 古法燉牛肉蛋洋蔥捲餅 😋😋😋😋大家都想叫份捲餅嚟試下，喺後刪除法之下，又唔想碟碟差唔多配菜，所以叫咗依個口味！依個捲餅反而似台式蛋餅，不過薄身啲，😅 牛肉有啲位有筋，有啲位好軟熟，不過味道食落係好夾，尤其有啲煮出甜味嘅洋蔥，再配上沙律醬同調味粉，係有驚喜！😎🍽 西班牙烤洋蔥薯仔5‘’ 原個蛋餅 配芝士烤蕃茄 加煙鮭魚 😋😋😋去食飯有得叫西班牙蛋餅，都會叫嚟試下。不過普遍食落都係麻麻。我哋叫咗加煙鮭魚🐟嘅蛋餅，切開嘅時候，比較水同好多汁💦，但食落冇乜調味，要靠面頭唧落嘅沙律醬同調味粉，但係食到啖啖薯仔，都焗得挺身。建議大家下次去食，叫原味試下先。🧐🍰 紐約芝士蛋糕 配自家製龍舌蘭焦糖醬 😋😋😋😋😋小編嘅心頭好
［ 亂闖試飲試食 ］
🥘 芝士蕃茄醬烤肉腸配MOBIN醃椰菜 😋😋😋😋😋
係一道簡單而有風味嘅前菜，🧀芝士蕃茄醬同肉腸嘅配搭一定唔會有問題，肉腸烤得好香，😚兩三啖一舊嘅肉腸食落似脆皮腸，面頭嘅醃椰菜又唔會太酸，伴住肉腸食會感覺清爽啲！
🌮 古法燉牛肉蛋洋蔥捲餅 😋😋😋😋
大家都想叫份捲餅嚟試下，喺後刪除法之下，又唔想碟碟差唔多配菜，所以叫咗依個口味！依個捲餅反而似台式蛋餅，不過薄身啲，😅 牛肉有啲位有筋，有啲位好軟熟，不過味道食落係好夾，尤其有啲煮出甜味嘅洋蔥，再配上沙律醬同調味粉，係有驚喜！😎
🍽 西班牙烤洋蔥薯仔5‘’ 原個蛋餅 配芝士烤蕃茄 加煙鮭魚 😋😋😋
去食飯有得叫西班牙蛋餅，都會叫嚟試下。不過普遍食落都係麻麻。我哋叫咗加煙鮭魚🐟嘅蛋餅，切開嘅時候，比較水同好多汁💦，但食落冇乜調味，要靠面頭唧落嘅沙律醬同調味粉，但係食到啖啖薯仔，都焗得挺身。建議大家下次去食，叫原味試下先。🧐
🍰 紐約芝士蛋糕 配自家製龍舌蘭焦糖醬 😋😋😋😋😋
小編嘅心頭好就係cheesecake，唔使複雜，叫New York cheesecake就得喇！佢哋提供自家製龍舌蘭焦糖嘅版本，見到menu張相都唔錯，就叫咗嚟做甜品！🤩真係食到有微微Tequlia味嘅焦糖，同cheesecake好夾，餅底實淨，切落柔軟，叫得焦糖就預咗整體會糖少少㗎啦！😉
🍽 MOBIN咖啡布朗尼甜脆餅 😋😋😋😋😋
朋友見到人哋枱叫依個脆餅可以插生日餅就好好奇，但其實小編想試下個脆餅就真！🤣 最後都叫咗一份嚟試，朋友又真係叫職員加生日牌！🙈 好彩有叫到！個脆餅口感好特別！係炸/烤得好深色嘅微鹹脆餅，配上甜味🍫朱古力brownie同☕️咖啡雪糕，仲灑咗啲糖粉，好打卡之餘，亦好好食！而個脆餅喺我哋狂影相之下，都唔會淋！好神奇！😲
🍹 青檸薄荷氣泡水 😋😋😋😋
朋友話來點杯有氣嘅飲品，揀青檸薄荷氣泡水就唔會錯！🤪
🍸 Classic Mojito 😋😋😋😋
好耐都冇飲過Mojito，嚟墨西哥餐廳就梗係要叫嗌返杯嚟飲啦！Mojito係🌱清爽嘅cocktail，rum味唔重，飲落比較甜。😚
晚餐 💵💵💵💵💵💵💵💵 約港幣$370/人
💁🏻♀️ 小編未去過墨西哥，唔知正唔正宗😆 只係記得每樣細細碟，水準都唔錯！食咗好多嘢，仲要好飽！大家去食就記得去佢哋嘅社交平台入link訂枱喇！🤗
芝士蕃茄醬烤肉腸配MOBIN醃椰菜
10 瀏覽
0 讚好
0 留言
古法燉牛肉蛋洋蔥捲餅
10 瀏覽
0 讚好
0 留言
西班牙烤洋蔥薯仔5‘’ 原個蛋餅 配芝士烤蕃茄 加煙鮭魚
7 瀏覽
0 讚好
0 留言
紐約芝士蛋糕 配自家製龍舌蘭焦糖醬
9 瀏覽
1 讚好
0 留言
MOBIN咖啡布朗尼甜脆餅
17 瀏覽
0 讚好
0 留言
青檸薄荷氣泡水
6 瀏覽
0 讚好
0 留言
Classic Mojito
3 瀏覽
0 讚好
0 留言
張貼
