鳥炎屋

營業中

休息中

鐘意呢間居酒屋係因為呢度有一種溫暖放鬆嘅氛圍， 微喑既燈光、老闆熱情嘅招待、廚房飄嚟陣陣香氣，令人不自覺會變得心情愉悅。唔知食咩好可以隨便問老闆介紹當造既菜式，今次叫嘅野都令我地有驚喜🤍蟹籽沙律🤍黑松露甜蝦卷- 黑松露醬濃郁，更能帶出甜蝦嘅鮮味，兩者配搭完美🤍豚肉大蔥串-薄切豚肉燒製後變得微脆香口，包住爽甜大蔥，送酒一流🤍雞肉串-配以照燒汁燒製，還挺惹味的🤍大根煮-日本白蘿蔔咬落清甜，完全冇渣，燜煮後入味非常，簡單嘅材料都可以好好食🤍鐵板粒牛舌粒-私心最愛！牛舌粒粒厚切爽口，唔知係咪鐵板嘅關係，食落更覺香醇多汁，份量仲好足添🤍焦糖菠蘿串-燒製過嘅菠蘿香甜多汁，外層嘅焦糖脆皮更係完美嘅點綴