La Postre (已結業)

有個朋友同我講呢邊開左新分店多左樓上可以坐，同埋最主要今次係想試佢個辣辣窩夫邊個食。青口其實度度味道都差唔多，所以主要分別係佢地個調味料。呢個酒味實在太濃，女士們應該都好難接受到呢個汁(湯會比較岩......) 無花果勁甜😍 好耐無食過咁甜既無花果啦，而且parma ham並唔單調地咸，有橡木同肉香。作為前菜係個好舒服既選擇。至於西班牙海鮮飯唔好意思食到尾先影，點解會影番又講既原因其實都見到當晚落得好多油，最尾係油得濟無辦法食哂🙈全晚最突出莫過於呢味豬手。個醬應該係d香草醬，減輕左油膩感。重點豬皮就勁脆，脆既程度完全媲美燒腩仔隻皮。要講敗筆就個蜜糖，太甜基本上都無人點黎食 好啦，重頭戲點都要留番個肚，黎個...「辣辣窩夫邊個食」😂😂😂個辣粉比我想像中辣，似係某隻墨西哥辣椒黎，即使窩夫入面有餡都中和唔到個辣味，玩味十足😂所以都係好安穩咁食多個綠茶窩夫算，個綠茶吉士好香濃，而且並唔會太甜。