影片
更多
2022-10-08
45 瀏覽
嚟介紹特色餐廳啦🍜發現自己都有一段時間冇介紹過麵食🥹，所以呢排都搵咗幾間有特色嘅麵食餐廳介紹畀大家🫡。如無意外嘅話，就應該嚟緊幾個post都同麵食有關㗎啦🤣。而我今日要介紹嘅就係位於旺角嘅餐廳😎，餐廳就係主打石鍋米線嘅🫶🏻。想知我嗰日食咗咩就要繼續睇落去啦！環境方面☝🏻餐廳嘅設計就係樓上舖嘅性質為主🙌🏻，所以相對地其實佢樓上嘅空間都幾足夠👾，就咁睇都可以容納到好多枱食客❤️。我嗰日就好好彩咁樣有卡位可以坐😬，整體用餐體驗都幾舒服😌。食物方面✌🏻#石鍋米線套餐（九餸）($88)首先第一樣要介紹嘅就當然係餐廳嘅招牌食物石鍋米線啦🥰。講真我就真係第一次見有九餸嘅米線套餐😬，都算係幾surprise🤣。喺呢個套餐入面除咗揀咗啲養生餸（蟲草花、皇帝菜）😎，另外都仲叫咗啲相對地經典嘅餸（嫩滑雞肉、豬膶、墨魚丸、炸醬）。我自己覺得有兩款餸都幾驚艷到我😍，第一款就係五香辣豬軟骨。除咗軟骨嘅部分夠淰，佢嘅份量都夠晒足料，加埋帶有少少五香辣嘅味道，真係整得幾出色！第二款就係黑毛豬梅肉片🐖，肉片唔會切到好薄，所以都保留到應有嘅口感🫡。同埋真係食落就感受到黑毛豬同一般豬嘅分別🫶🏻。雖然我係叫石鍋米線套餐，不過最
發現自己都有一段時間冇介紹過麵食🥹，所以呢排都搵咗幾間有特色嘅麵食餐廳介紹畀大家🫡。如無意外嘅話，就應該嚟緊幾個post都同麵食有關㗎啦🤣。而我今日要介紹嘅就係位於旺角嘅餐廳😎，餐廳就係主打石鍋米線嘅🫶🏻。想知我嗰日食咗咩就要繼續睇落去啦！
環境方面☝🏻
餐廳嘅設計就係樓上舖嘅性質為主🙌🏻，所以相對地其實佢樓上嘅空間都幾足夠👾，就咁睇都可以容納到好多枱食客❤️。我嗰日就好好彩咁樣有卡位可以坐😬，整體用餐體驗都幾舒服😌。
食物方面✌🏻
#石鍋米線套餐（九餸）($88)
首先第一樣要介紹嘅就當然係餐廳嘅招牌食物石鍋米線啦🥰。講真我就真係第一次見有九餸嘅米線套餐😬，都算係幾surprise🤣。喺呢個套餐入面除咗揀咗啲養生餸（蟲草花、皇帝菜）😎，另外都仲叫咗啲相對地經典嘅餸（嫩滑雞肉、豬膶、墨魚丸、炸醬）。我自己覺得有兩款餸都幾驚艷到我😍，第一款就係五香辣豬軟骨。除咗軟骨嘅部分夠淰，佢嘅份量都夠晒足料，加埋帶有少少五香辣嘅味道，真係整得幾出色！第二款就係黑毛豬梅肉片🐖，肉片唔會切到好薄，所以都保留到應有嘅口感🫡。同埋真係食落就感受到黑毛豬同一般豬嘅分別🫶🏻。雖然我係叫石鍋米線套餐，不過最後我係轉咗薯粉🤣，因為我覺得薯粉同我要嗌嘅酸菜魚湯會比較夾啲🫣。薯粉口感夠晒煙韌，同埋因為薯粉本身唔算話好粗，所以咬落都冇咁辛苦🥳。酸菜魚湯本身就已經夠晒醒胃，絕對啱晒食咁多餸嘅套餐❤️。
#芒果凍頂烏龍茶（+$12）
跟套餐我就叫咗杯特飲😋，要講呢杯特飲最大嘅特色就真係個份量🤣。就算係食晒成枱嘢都仲未飲晒杯嘢，可以話係超抵飲🙏🏻。入面會有啲芒果蓉🥭，所以隻芒果汁唔會太假。
#川式涼麵（$48）
之後要介紹嘅我覺得係消暑必備嘅主食嚟🥳，就係川式涼麵啦。呢款涼麵套餐包括埋自選兩款餸，我嗰日就揀咗雞絲同埋豬肚🤩。講下個麵質先，幼麵夠晒爽口😍，同埋唔會太多紅油掛喺麵，加上青瓜絲有助解膩🥒，大大減少油膩感👍。至於自選餸方面，豬肚咬落去好紮實🤤，而雞絲因為有辣嘅調味都唔會話太乾🫡。
#飄香紅油皮蛋（$18）
以小食皮蛋嚟講，佢嘅價錢真係算幾公道🤑，廿蚊都唔駛就叫到份皮蛋。講返味道先，餐廳皮蛋嘅鹼味唔會話太重👍，食落口感清甜爽口👊🏻。就算本身唔係食開皮蛋嘅，都一樣可以試下🫡。
見到餐廳menu有一頁係專門為串燒而設✨，所以我都揀咗幾款睇落幾吸引嘅串燒試吓🤤。
#蒜蓉燒扇貝（$35）
蒜味十足🧄，燒完之後完全係將蒜味融入咗喺扇貝！
#沙嗲牛肉串 ($18)
沙嗲味濃郁，牛肉嘅size同一口牛差唔多，食起嚟好方便🐂。
#墨魚頭（$15）
墨魚夠彈牙🦑，有好濃嘅焦香味，證明燒得啱啱好。
#豬肉串（$16）
豬肉串選用咗半肥瘦嘅部分🐖，食落唔會太油，另外孜然味都好香。
評分以🌕表示（滿分為5）
環境：🌕🌕🌕🌕🌑
賣相：🌕🌕🌕🌕🌑
味道：🌕🌕🌕🌕🌑
服務：🌕🌕🌕🌕🌑
張貼
