La Postre (已結業)

行銅鑼灣行到唔知食咩，之前食過上環間La Postre覺得幾好食，一搵原來銅鑼灣都有分店，即刻又去試試先!!店內裝飾好精緻，上黎食野見到靚野心情都好D佢D紙巾仲係紙幣咁樣，好得意呀~Green Tea Latte，好香綠荐味，不過我覺得可以再濃一點牛油炒八菇，超超超香牛油味，仲有8款菇食添，上菜時真係又香又熱，一碗9秒9食完左，正炸海鮮拼盤，樣樣都好新鮮炸起，份量都好夠，不過我都係麻麻中意炸野，因為太熱氣啦HAHA芝士龍蝦忌廉意粉，好大隻龍蝦，仲好多芝士，龍蝦煮得幾好，食落好有口感又唔會太熟，意粉好creamy，落足料呀!西班牙豬仔骨，之前上環食過好好味想再食返，不過感覺冇上環店咁好食，但質素還是有的，好厚肉好林身，點個醬個味更fresh~無花果脆批，無花果好大粒都好甜，個批整得好脆身，配埋個雪糕食好有新鮮感，又凍又熱，低又幾好味wor~什果麻糬窩夫，唔小心叫左成份，都好大份，如果2-3個人，食完野叫半份都OK，佢呢個特別在佢裡面係有麻糬架，食完上黎好有口感，同埋其實好飽肚，所以大家識叫就叫半份就夠啦~