The Balcony (已結業)

揀左間樓上私房菜，點左$588二人餐，可以靜靜地既餐廳同朋友傾下偈。「廚師精選沙律不錯」，沙律菜新鮮，配麻醬凍豆腐。前菜6選2，「凍八爪魚配牛油果蕃茄醬」同「煎北海道帶子配波蘭汁」，肥厚既帶子肉，加上炆煮過既蘿蔔，好好食！秘製龍蝦湯非常鮮甜，龍蝦味道濃郁，稠稠既質感！「慢煮羊膝配意大利粉」羊膝厚身，慢煮保持肉質軟腍又同時入味。「新西蘭鱈魚柳配泡菜茨茸」，厚肉鱈魚柳美香嫩滑，加左泡菜既茨茸非常特別，幾好食。