JK Kitchen (已結業)

今晚同男人黎到銅鑼灣食野集中營＜登龍街＞，上黎樓上鋪食越南菜，果然不負所望一上到樓就俾個環境吸引住，有一種柔和舒服的感覺，好適合同朋友聚會。入面都充滿越南風味除左環境外，食物先係重點，當然都係高質素喇。首先叫左個越式蝦餅扎肉湯檬，配料另上（芽菜，青檸，辣椒，九層塔），可根據自己口味自由加上。首先湯底濃郁，唔會油膩；蝦餅厚實蝦味突出，大大塊超好味；扎肉又夠爽口。越式春卷，十分香脆，跟上生菜，用生菜包住春卷，減少油膩既感覺，亦唔會食到周圍都係，點埋醬汁，味道一流。椒鹽軟殼蟹，見到附近人都有叫，忍唔住都叫埋一份，果然無揀錯，軟殼蟹炸得剛好，非常香脆，而且啖啖都係肉，而且大大件件又唔少。朱古力窩夫，外脆內軟，雖然做得比出面食到既薄，但仍然充實飽肚感十足，每一塊都有香濃既朱古力醬，再加上一個有朱古力碎既朱古力雪糕就是完美，仲要係心型的叫左一杯三色杯（綠豆），好大杯呀，面頭充滿綠豆，椰香味十足，涼粉又夠爽。個杯造型都好特別最後職員仲送上甜品，簡直大滿足不得不提，員工服務好好，不時關心顧客既需要，時刻加水。果晚冷氣好凍，都馬上留意到並調較好，十分細心