第三站

約咗親戚喺旺角拜年，諗住食完晏晝返屋企休息吓，見到呢間第三站好似菜式幾吸引，就入去試吓😎特色拼盤（$148 ）有洋蔥圈好厚實不空心，蜜糖雞翼好香，沾了蜜糖不錯，魚手指炸粉少魚肉嫩，天婦羅魷魚一樣炸粉少魷魚唔韌，好食！😙黑松露帶子鮮菌燴意大利飯（$112）超熱乎乎的，上面有芝士碎，菇味濃，而且好Creamy，但一啲都唔硬，好易入口，平時出邊嗰啲會比較硬，勁好味！🤩煙三文魚忌廉蕃茄醬扁意粉（$112）份量大！煙三文魚唔會太鹹，得剛剛好，而且好多塊，好大塊同好厚身，砌成玫瑰的樣子，真係吸引！ 意粉好香蕃茄味，但係唔會好酸，原汁原味，配合新鮮小蕃茄同菇，真係好好食！😘Latte（$46）咖啡同奶嘅比例剛剛好，唔苦，拉花仲好漂亮！又香滑🥸熱情果乳酪（$48）上面有塵好厚嘅cream，好香好creamy，乳酪沙冰，加淡淡的熱情果味，正呀！😍巴斯克芝士蛋糕（$38）賣相10分好！極香濃芝士味，蛋糕好鬆軟，上面有焦糖，甜甜的配合芝士味，相當好食！😚