辣蟹舫 (已結業)

朋友介紹 話呢間餐廳D野幾正,又有優惠卷,一於去試下啦~佢個入口好隱蔽,我地係停車場坐lift上去既。首先叫左個黃金蝦球。佢個蝦球上面有雞蛋黃包住,炸到脆脆地,蝦肉亦都好爽口。蝦肉同蛋黃既味道好match。佢配埋個水果沙拉,食完之後會無咁油膩之後係酸菜石班魚。佢個湯好鮮甜,唔會有任何魚腥味~~ D 酸菜配埋石班魚一齊食個感覺好特別! 口感好豐富。個魚仲有D彈牙,好新鮮。最後到主角~ 避風塘炒蟹! 佢個蟹炸到脆脆地,差D連個殼都食埋阿~ 最正既係佢上面D配料~ 連埋蟹一齊食, 正~ 建議大家一定要帶走佢D配料,拎返去炒菜、送飯一流阿!唔好浪費!!