心選 (已結業)

🍝煙肉卡邦尼長通粉賣相好吸引！除咗煙肉塊，仲有香脆嘅煙肉碎，食落更加香口。撈埋蛋汁口感好滑，但一啲都唔膩。兩個人食到停唔到口。.🍚帶子黑松露野菌海鮮燴飯黑松露同野菌嘅比例啱啱好，個汁充滿兩者嘅香氣，而且creamy得嚟又唔算好膩。不過得一粒帶子有啲唔滿足。.☕️水蜜桃紅茶、菠蘿紅茶（熱）顏色好天然，可以放心飲。水果味道唔假，仲同紅茶好夾，同埋冇諗過熱飲都唔錯。而且水蜜桃紅茶仲有少少桃肉。.食物質素媲美中價西餐廳，而且叫一份套餐可以任坐，同朋友慢慢玩board game♟。放工間唔中嚟坐下都唔錯☺️。