Unnie

營業中

休息中

今晚約咗老公銅鑼灣樓上cafe《Unnie》chill一chill，近佢公司，餐廳地方唔錯，店內裝修特別風格。 餐牌上部份是韓式fusion菜，幾有新意。醬燒頂級牛肉拌飯~賣相好吸引，大量牛肉鋪喺飯上面，靚靚牛肉非常可口，飯好軟淋，食到韓式辣醬汁，辣辣地好惹味。肉食者漢堡(香辣炸雞安格斯牛漢堡)~安格斯牛肉漢堡勁厚，好似成個波咁，牛肉味香濃，仲有件炸雞，少少辣多滋味，芝麻包好鬆軟，配大量粗薯條，熱辣辣，即叫即炸，香脆可口。粟米濃湯~香濃粟米忌廉湯，正！抹茶芝士蛋糕~抹茶味夠，芝士味香，這個幾出色。柚子乳酪慕思~U果茶(熱情果、蜜桃、柳丁)~清新口味，唔會太甜。特色檸檬茶~飲到有薰衣草香味，好特別。主菜/漢堡可加$48升級套餐有餐湯，精選甜品及飲品，$66仲可自選飲品。