影片
更多
2021-07-30
2240 瀏覽
睇得出餐廳在裝潢上花左唔少心思推門入去，真係要落樓下先有得食🤣入到餐廳會覺得自己好似去左舊式街市大排檔咁人多可以訂間房，係用舊時店鋪嘅拉閘隔開限聚令關係，六人一張圓枱，加張大排檔摺枱再用隔板隔開。呢度混醬齊備，外面邊爐有嘅佢都有，其中生芝麻值得一讚，炸到好香口，令混醬生色不少！然後填紙仔叫嘢食，食物上得好快手食物價錢相宜，每碟幾廿蚊貴則如海鮮就百幾蚊#麻辣湯底：辣度適中，麻香飄逸，而且唔會越食越辣/䶢，亦唔會令食物太掛油#椰子雞湯底：湯頭濃郁，上枱時不禁飲左碗，湯料也不錯，雞夠嫩滑，椰子🥥夠清甜唯一不足係個煲太細，我地六個人，每輪放兩樣食材落去已經滿曬，只有狹小嘅空間可滾到肥牛之類。好彩呢度無限時，可以慢慢食。因為太肚餓，無逐碟影相😅只係影左紫菜響鈴因為真係好巨型有咬口、夠脆夠新鮮👍🏻其他食材各有千秋：1. 蒙古羊肉片- 適合唔鍾意太羶嘅人，但我就重口味鍾意羶少少。2. 日本黑豚肉五花腩 - 有肉味而且爽口👍🏻3. 大紅袍牛王拼盤 - 個人認為必點之選，$368有三款肥牛包括澳洲牛、本地牛同安格斯牛，加個牛柳粒同埋牛舌，好抵食！肥牛感覺似以前街市牛肉佬如果同你熟，會切舊正牛你嘆嗰種，三
推門入去，真係要落樓下先有得食🤣
入到餐廳
會覺得自己好似去左舊式街市大排檔咁
人多可以訂間房，係用舊時店鋪嘅拉閘隔開
限聚令關係，六人一張圓枱，加張大排檔摺枱
再用隔板隔開。
呢度混醬齊備，外面邊爐有嘅佢都有，其中生芝麻值得一讚，炸到好香口，令混醬生色不少！
然後填紙仔叫嘢食，食物上得好快手
食物價錢相宜，每碟幾廿蚊
貴則如海鮮就百幾蚊
#麻辣湯底：辣度適中，麻香飄逸，而且唔會越食越辣/䶢，亦唔會令食物太掛油
#椰子雞湯底：湯頭濃郁，上枱時不禁飲左碗，湯料也不錯，雞夠嫩滑，椰子🥥夠清甜
唯一不足係個煲太細，我地六個人，每輪放兩樣食材落去已經滿曬，只有狹小嘅空間可滾到肥牛之類。
好彩呢度無限時，可以慢慢食。
因為太肚餓，無逐碟影相😅
只係影左紫菜響鈴
因為真係好巨型
有咬口、夠脆夠新鮮👍🏻
巨型紫菜響鈴
28 瀏覽
0 讚好
0 留言
其他食材各有千秋：
痴痴呆呆坐埋一枱
47 瀏覽
0 讚好
0 留言
1. 蒙古羊肉片- 適合唔鍾意太羶嘅人，但我就重口味鍾意羶少少。
2. 日本黑豚肉五花腩 - 有肉味而且爽口👍🏻
3. 大紅袍牛王拼盤 - 個人認為必點之選，$368有三款肥牛包括澳洲牛、本地牛同安格斯牛，加個牛柳粒同埋牛舌，好抵食！
肥牛感覺似以前街市牛肉佬如果同你熟，會切舊正牛你嘆嗰種，三款都肉味香濃🤤。
牛舌平時係一片片，呢間就厚切一粒粒，更增添口感！
4. 手打丸三寶，有墨魚丸、牛丸、芝士牛丸，三款味道不錯，但太細粒，每粒只有5毫子咁大，唔夠咬口
5. 第一次食黑栢葉，同白栢葉原來係兩回事😅，口感好似食緊沙紙咁👎🏻
6. 酸梅湯好飲唔太甜，而且梅味濃郁👍🏻
*。 *。 *。 *。
整體食物質素不錯，性價比高
店內擺位寬敞，坐得舒服
但由於面積大成幾千呎
人手相對不足
尤其呢度係用舊式gas爐，唔係電爐，個煲又細
有時要換gas或加湯，要比啲耐性
佢地真係「幫緊你，幫緊你」。
張貼
