影片
更多
2017-12-11
331 瀏覽
放假！無約朋友，唔洗湊仔，諗緊今晚食乜好？行行下望到金大班，咦～想想都好幾個月無食過金大班喎！今晚就呢度啦！一個人食飯都好，我從來絕少食（碟頭飯），食野係一種享受！就算得我一個，一樣要食得豐富，食得開心！今晚照舊時一樣，點兩份小菜套餐，我例牌要一菜一肉，所以菜類我點【金銀蛋菠菜】跟一碗白飯+老火例湯，肉類我點左【蝦醬豆卜豬頸肉】，不過呢個原來唔係套餐，不過呢個餸好惹味，一碗飯又點夠呢？我又叫多一碗白飯，又加左杯凍杏霜。我一向鐘意食金銀蛋，總之唔係配小棠菜就點煮都好食啦！至於個蝦醬豆卜豬頸肉，實在太多肉喇！所以我根本食唔晒，但身為吃貨我又點會浪費呢？堂食左2碗飯，我再外賣多一盒白飯，將剩餘的餸打包埋一齊，咁今晚宵夜有著落啦！至於杯凍杏霜，唔知係咪我太耐無飲，覺得現時既杏霜，真係好少地方會沖得好飲！而且仲有位（烏蠅公子）係咁飛黎飛去，跟住見到杯白雪雪既（杏霜杏娘），就好似螞蟻🐜嬲蜜糖咁，死都唔走，我見佢地咁情深，我只好割愛，將杏霜許配比烏蠅喇！近呢半年我都少落金大班食飯，係耐不耐同呀仔食早餐多，因為我地多數出油尖旺食，但我個人自己都幾鐘意食金大班，雖然佢唔係特別好食，亦無我鐘意食既辣野，但
一個人食飯都好，我從來絕少食（碟頭飯），食野係一種享受！就算得我一個，一樣要食得豐富，食得開心！今晚照舊時一樣，點兩份小菜套餐，我例牌要一菜一肉，所以菜類我點【金銀蛋菠菜】跟一碗白飯+老火例湯，肉類我點左【蝦醬豆卜豬頸肉】，不過呢個原來唔係套餐，不過呢個餸好惹味，一碗飯又點夠呢？我又叫多一碗白飯，又加左杯凍杏霜。我一向鐘意食金銀蛋，總之唔係配小棠菜就點煮都好食啦！至於個蝦醬豆卜豬頸肉，實在太多肉喇！所以我根本食唔晒，但身為吃貨我又點會浪費呢？堂食左2碗飯，我再外賣多一盒白飯，將剩餘的餸打包埋一齊，咁今晚宵夜有著落啦！
至於杯凍杏霜，唔知係咪我太耐無飲，覺得現時既杏霜，真係好少地方會沖得好飲！而且仲有位（烏蠅公子）係咁飛黎飛去，跟住見到杯白雪雪既（杏霜杏娘），就好似螞蟻🐜嬲蜜糖咁，死都唔走，我見佢地咁情深，我只好割愛，將杏霜許配比烏蠅喇！
近呢半年我都少落金大班食飯，係耐不耐同呀仔食早餐多，因為我地多數出油尖旺食，但我個人自己都幾鐘意食金大班，雖然佢唔係特別好食，亦無我鐘意食既辣野，但我鐘意佢卡位，夠大又好座！同埋佢好少話會趕番枱而催客走，以前夏天我比較幫襯得多，點解？因為佢地冷氣好鬼勁架🤣
建議金大班不如加些新菜式？例如一些辣的餸菜吧！真係幫襯咁多年，我都未食過有乜辣既菜式😅
13 瀏覽
1 讚好
0 留言
張貼
