影片
更多
2023-02-15
472 瀏覽
.Ellipsis Cafe & Lounge位於上環干諾中心 街角位置地下一層都係一間coffee shop上兩層一開lift就到了入到去有一種豁然開朗嘅感覺樓底好高 裝修有格調 加左好多塊黃銅鏡面令到空間整體望落更大水泥風加以綠色盆栽植物作擺設 風格舒適優雅 接近落地嘅大玻璃令室內充滿陽光當日基本上得我地一枱客 氣氛環境寧靜舒適(*´꒳`*)Mussels with garlic bread $128原本呢個款已經不再出現喺menu上但同店員談論其間 佢主動提出可以幫我睇下整唔整到一份 雖然如果呢款冇得食嘅話 都想食佢地嘅seafood spaghetti 不過有得食青口就開心啲✨熱鍋一上枱就已經聞到好香濃嘅忌廉汁味(*´∇｀*)有幾塊蒜蓉包可以沾汁一齊食奶油忌廉汁質感creamy挺身 配埋煙肉碎享用食完好想再添多幾塊蒜蓉包🥺店主見到嘅話 想同你地講 呢款可唔可以長註喺menu啊~~Ellipsis breakfast $148配料同埋賣相都相當豐富有牛油果、勁爆多汁烤大啡菇、烤肉腸、德國腸、香脆煙肉、黑松露炒滑蛋、茄汁焗豆及車厘茄沙律 雖然menu上好似話有sourdough 不
Ellipsis Cafe & Lounge
位於上環干諾中心 街角位置
地下一層都係一間coffee shop
上兩層一開lift就到了
入到去有一種豁然開朗嘅感覺
樓底好高 裝修有格調 加左好多塊黃銅鏡面
令到空間整體望落更大
水泥風加以綠色盆栽植物作擺設
風格舒適優雅 接近落地嘅大玻璃令室內充滿陽光
當日基本上得我地一枱客 氣氛環境寧靜舒適(*´꒳`*)
Mussels with garlic bread $128
原本呢個款已經不再出現喺menu上
但同店員談論其間 佢主動提出可以幫我睇下整唔整到一份
雖然如果呢款冇得食嘅話 都想食佢地嘅seafood spaghetti 不過有得食青口就開心啲✨
熱鍋一上枱就已經聞到好香濃嘅忌廉汁味(*´∇｀*)
有幾塊蒜蓉包可以沾汁一齊食
奶油忌廉汁質感creamy挺身 配埋煙肉碎享用
食完好想再添多幾塊蒜蓉包🥺
店主見到嘅話 想同你地講 呢款可唔可以長註喺menu啊~~
Ellipsis breakfast $148
配料同埋賣相都相當豐富
有牛油果、勁爆多汁烤大啡菇、烤肉腸、德國腸、香脆煙肉、黑松露炒滑蛋、茄汁焗豆及車厘茄沙律 雖然menu上好似話有sourdough 不過當日係蒜蓉包黎~照殺!
Latte $45
Iced Bailey’s Latte $52
咖啡方面個人覺得就遜色啲~
叫左杯熱latte 但佢好似太多水 冇乜奶 表面嘅milkfoam好快消失哂 飲落都冇左滑順飽滿嘅感覺~
但Bailey’s呢杯叫凍嘅就不錯 飲到底超濃
而且出面都好少見 都值得try try
結論:會想再黎多次!當日坐左成個下晝
幾寫意而且可以喺度放慢腳步 慢活一下
Total $410 (10% service charge)Revisit: yes
📍Ellipsis Cafe & Lounge (上環)
上環干諾道西48號干諾中心2樓
張貼
