影片
更多
2021-03-29
501 瀏覽
聽朋友推薦，來到大鴻輝中心佔地全層嘅極品靚鍋，入到黎樓底超高，朋友真係冇講錯，呢度嘅空間感，唔會令你覺得侷促，同埋唔會好嘈，可以舒舒服服咁打個邊爐。入到門口探完熱， 就揀返一個鍾意嘅湯底，我哋揀咗海底椰竹絲雞滋潤鍋，之後就可以去坐低，掃QR code落單，我真係好欣賞呢個落單方法，因為可以慳好多張紙（環保小先鋒是我！）雖然個雞湯還可以飲咗先再開始打邊爐，不過我期待嘅係可能會有湯渣，有雞食下，呢啲係好足味嘅清湯🤣呢間火鍋店牆上面嘅介紹，係識佢哋嘅短角牛牛肉，不過店員話呢幾日供應量不足，所以我哋都係食到兩盤，但係佢其實仲有大量唔同款嘅牛肉豬肉甚至羊肉揀，貪心咁每樣要一碟，都已經會叫到成枱都係。每一盤牛肉都會介紹翻，擺入個鍋入邊要幾耐時間熟，千祈要跟足，如果唔係就會熟都鞋晒，浪費左。想講係佢每一盤都切得好薄好靚，所以忍唔住要企起身影張相。溫馨提示，真係唔可以貪心一次過扔哂肉落去，會食唔切熟過頭㗎。巡視一下調味料部，有好多唔同嘅配菜，足夠滿足大家貪婪嘅口味。呢度可能勝在空間夠大，連雪櫃都大過人， 佢哋蔬菜都可以任拎，一盤盤擺好晒好似盆栽咁勁靚，連冰菜都有！我真係要俾個讚佢哋。雪櫃除咗韓國嘢飲同
聽朋友推薦，來到大鴻輝中心佔地全層嘅極品靚鍋，入到黎樓底超高，朋友真係冇講錯，呢度嘅空間感，唔會令你覺得侷促，同埋唔會好嘈，可以舒舒服服咁打個邊爐。
入到門口探完熱， 就揀返一個鍾意嘅湯底，我哋揀咗海底椰竹絲雞滋潤鍋，之後就可以去坐低，掃QR code落單，我真係好欣賞呢個落單方法，因為可以慳好多張紙（環保小先鋒是我！）
雖然個雞湯還可以飲咗先再開始打邊爐，不過我期待嘅係可能會有湯渣，有雞食下，呢啲係好足味嘅清湯🤣
呢間火鍋店牆上面嘅介紹，係識佢哋嘅短角牛牛肉，不過店員話呢幾日供應量不足，所以我哋都係食到兩盤，但係佢其實仲有大量唔同款嘅牛肉豬肉甚至羊肉揀，貪心咁每樣要一碟，都已經會叫到成枱都係。
每一盤牛肉都會介紹翻，擺入個鍋入邊要幾耐時間熟，千祈要跟足，如果唔係就會熟都鞋晒，浪費左。想講係佢每一盤都切得好薄好靚，所以忍唔住要企起身影張相。
溫馨提示，真係唔可以貪心一次過扔哂肉落去，會食唔切熟過頭㗎。
巡視一下調味料部，有好多唔同嘅配菜，足夠滿足大家貪婪嘅口味。
呢度可能勝在空間夠大，連雪櫃都大過人， 佢哋蔬菜都可以任拎，一盤盤擺好晒好似盆栽咁勁靚，連冰菜都有！我真係要俾個讚佢哋。
雪櫃除咗韓國嘢飲同埋汽水之外，仲有佢哋自家製嘅冷泡茶，同埋各式各樣嘅下火涼茶， 都幾好飲。
佢哋除咗牛肉之外個餐單上面其實仲有好多唔同嘅配菜，你諗到嘅海鮮，餃子，響鈴，墨魚滑，丸類，多到數都數唔晒，如果每樣都叫嘅話一定食唔到，所以一定要揀下。 佢嘅熟悉有即炸嘅炸雲吞係值得推介嘅，新鮮出場超級好食，脆卜卜仲有蝦肉，另外都仲要推介一下呢一條超長既蟹棒。
要留肚食甜品，佢有另一邊嘅甜品櫃，大概會供應四至五款小杯甜點/小蛋糕， 但係隔離嘅呢一個大雪櫃比較吸引，因為入邊有過十款香港製造既雪糕口味，朱古力/芋頭/薄荷/EarlGrey/ 豆腐/芒果....... 我都記唔晒啦。
張貼
