棋子燒鵝 (長沙灣道)

營業中

休息中

今日去買咗兩個餐，我就企喺包裝枱附近等待，見阿叔開始包我嗰兩個餐嘅時候，我就埋去講"唔好意思呀，麻煩你個飯我想要少少汁"，個阿叔反應甚大，極度不滿，將手上嘅嘢掉低(唔係放低, 係掉低)，之後話"早講吖嘛，下次落單嘅時候講明，打埋落張單度吖嘛"，極度晦氣，跟住我同佢講"咁我而家同你講得唔得？"，佢話"唔得羅"，我即時真係著曬..勁小佢鑊.."我嚟買嘢㗎喎，你估我嚟乞食㗎，你使唔使咁嘅態度呀！#$%&@"，之後裏面斬料嗰個仲要幫口.."先生你買得咁勞氣嘅話，下次就唔好買啦"，我就同佢講.."我買咗喇嘛而家，如果我早知道你哋係咁嘅態度嘅話，我就肯定唔買啦"......之後上網睇返啲社交媒體有關呢間嘢同呢個阿叔，原來已經有好多人投訴過，都唔知點解仲可以生存到而家，完全係趕客，我個人嚟講，絕對冇下次！！