影片
更多
2024-08-04
1197 瀏覽
連續兩日都特意坐巴士去幫襯添好運總店。地方環境乾淨，如果一人進餐，枱面有足夠空間擺到四五碟點心，如果兩個人可能就差少少。試咗新推出嘅其中兩款點心，牛肉角同埋荔枝蝦球。牛肉角餡料彈牙，醬汁似係加入薑葱嘅蒸魚豉油，個人覺得醬汁同牛肉角不太配搭，汁味蓋過咗肉餡味。鮮蝦荔枝球偏甜，芝士溶醬拉絲，都OK嘅。叉燒包保持質素，牛肉球都彈牙好食，腐皮卷蝦肉餡料彈牙腐皮香脆。樓面服務感覺不太好。兩日都係非繁忙時間到店，第一日入座時，明明有個行行企企嘅樓面阿姨，睇住人坐底都冇俾張點心單張，亦冇主動招呼開茶。我坐好至少1分鐘，終於忍唔住問有冇人幫我開茶，先有個阿姨走埋嚟，又係要食客主動提出先拎張點心紙俾人睇。第二日到店，開茶方面好少少，食咗幾碟點心後，感覺茶水凍咗，掀開茶壺蓋掛喺壺柄，想要樓面阿姨忙完加返熱水，有返啲熱茶水飲下，樓面阿姨行嚟行去忙完幾轉之後準備離開，都係冇細心觀察到有食客喺茶水方面嘅額外需求。可能真心認為$6茶錢只配飲一壺茶？
地方環境乾淨，如果一人進餐，枱面有足夠空間擺到四五碟點心，如果兩個人可能就差少少。
試咗新推出嘅其中兩款點心，牛肉角同埋荔枝蝦球。
牛肉角餡料彈牙，醬汁似係加入薑葱嘅蒸魚豉油，個人覺得醬汁同牛肉角不太配搭，汁味蓋過咗肉餡味。
鮮蝦荔枝球偏甜，芝士溶醬拉絲，都OK嘅。
叉燒包保持質素，牛肉球都彈牙好食，腐皮卷蝦肉餡料彈牙腐皮香脆。
樓面服務感覺不太好。
兩日都係非繁忙時間到店，第一日入座時，明明有個行行企企嘅樓面阿姨，睇住人坐底都冇俾張點心單張，亦冇主動招呼開茶。
我坐好至少1分鐘，終於忍唔住問有冇人幫我開茶，先有個阿姨走埋嚟，又係要食客主動提出先拎張點心紙俾人睇。
第二日到店，開茶方面好少少，食咗幾碟點心後，感覺茶水凍咗，掀開茶壺蓋掛喺壺柄，想要樓面阿姨忙完加返熱水，有返啲熱茶水飲下，樓面阿姨行嚟行去忙完幾轉之後準備離開，都係冇細心觀察到有食客喺茶水方面嘅額外需求。
可能真心認為$6茶錢只配飲一壺茶？
張貼
