好品餐廳 (汝州街)

營業中

休息中

早兩日下晝同一個朋友4點幾去幫襯，店裡面有幾卡位都無人，我同朋友就求其坐埋其中一張卡位嘅一邊( 每張枱面都有隔板，我哋已經自動自覺坐一邊 )，未坐熱個樓面阿姐就叫我地移位坐去前面一張卡位嘅一邊，嗰張枱有個男人食緊飯，我唔想轉來轉去咁煩，於是同阿姐講：點解要我轉枱，明明大擺空枱，我轉去同人搭枱，人地食完走先，咁咪同我而家兩個人坐一邊一樣，點知個阿姐即時好似著火咁，用啲好差嘅語氣同埋態度回應，我同朋友就選擇走，食個飯都要受埋啲無謂氣，呢間嘢啲服務真係垃圾，唔會再幫襯。講多句，香港人北上消費其中一個原因係服務態度好。