墾丁茶房 (已結業)

要喺香港食正宗台灣野，而家越來越易！前排去左megabox間墾丁茶坊，坐得舒服，部分菜色好正宗！大推咸酥雞球飯！呢個lunch set有咸酥雞球，其實我好怕食油膩野，但呢間真係無油膩感，酥脆而且juicy要開見到d肉汁，好開心啊！雞肉無比炸死，而且味道剛剛好！皮薄炸粉唔多！另一種食雞嘅方法，就係食口水雞！雖然唔係太辣（我食得辣），但雞肉好軟，份量好足！仲要係雞脾！個餐係配滷肉飯，雖然唔係好正宗，肉太肥，但都有7分！要彈嘅係飲品！珍珠奶茶係暖嘅，好怪！而且茶唔好飲！奶太多喇！蜜桃茶，太甜啦！不過環境搭夠！見到樓下溜冰，都開心嘅！