饕芘廚房 (已結業)

上樓的Cafe，樓下裝飾已經好吸引啦，似係有D格調的=]一入門口，好大隻Ironman呀，仲有成大個櫃都係Figure，而我只係識一個Ironman...另一隻怪獸應該唔係我呢個年代我估。打開Menu竟然係泰國野?我仲以為係日式，因為咁多Figure，令人聯想到日本電車男。好啦，泰就泰，又亂咁黎點菜先。木瓜沙律配墨魚($48): 一睇已經知道中雷，有D紅辣椒係面呀，而且真係辣的。噢，個Menu冇寫係辣，個圖又唔似樣，點錯左。對於唔係好食辣的我真係即時灰左!成碟野，除左幾粒番茄仔，似青瓜絲的木瓜絲同幾隻墨魚都係冇味，只有個汁做調味。就算唔係辣，呢個沙律亦一點不吸引。香茅豬扒蒙粉($48): 睇落份量不多呀!主要有幾片札肉和豬扒。豬扒不是一整件上，而是切開的一條條，沒有香茅味，粉很重，和正宗煎/燒的明顯檔次差很多。湯很清，味道濃郁，不是味精湯，如果冇咁咸就完美啦。肉碎生菜包($88): 平時好多會叫呢樣，見到旁邊食符好滋味，就叫下啦。見到$88都覺得有點貴，但食完就覺得物超所值。生菜樣靚新鮮爽口，肉碎豆角又炒得惹味，不會干身，濕濕地，送飯都一流呀!如果生菜多幾塊就好了。