Homeland (牡丹大廈) (已搬遷) 新店位置

知道之前係大埔幫襯過既黃店cafe係大角咀開分店，聽講menu會有分別所以趁朋友9月1正式番工前一日特登帶左佢去食，餐廳比起大埔分店更闊落，和朋友坐得更舒適，而且店內佈置簡單優美，尤為欣賞有心思的掛燈佈置大啡菇白松露牛乳炒蛋全日早餐（$118）非常豐富足料，有沙律菜、德國腸、煙三文魚等，不過最吸引一定係炒蛋，炒得非常嫩滑，不過略嫌白松露味唔夠出，但配上大啡茹好夾，而且賣相精緻，高質必試另外要左是日menu的牛油果煙三文魚闊條面（$88）連沙律starter和一杯飲品，非常抵食，沙律有火箭菜、車厘茄和雞胸肉等，連埋酸酸的柚子醋非常開胃；牛油果同煙三文魚一向係超人氣配搭，小店製的手工意粉亦沒有令人失望，闊條麵彈牙有咬口，口感十分獨特，手造意粉的確不一樣；最欣賞係有心思的擺盤，以牛油果和花瓣點綴，非常有藝術感最後上的香草牛油蒜香焗田螺（$88）表面的酥皮做得松脆，而螺肉甘香軟滑，入口香軟，鮮味濃郁，伴以香脆的薯茸，口感濕潤，推薦