影片
更多
2019-04-29
3350 瀏覽
呢間居酒屋聽朋友講過話唔錯，但一直都無食過，今晚行完呢個商場終於有機會啦............早去到都仲有枱，之後食到中途就見門口等位嘅人，環境佈局似居酒屋，聽講係黎自沖繩餐牌上都提供好多食物選擇，價錢望落可接受，仲有套餐帶子壽司 ($48) - 飯粒紮實，唔係一夾就散開，有醋香味; 帶子香軟，幾鮮甜!鹽燒牛舌 ($78) - 鹽粒洒上牛舌上，入口夠熱，燒得香之餘仲保留到肉味，有少少厚度，食起黎有一定口感! 好味!炭火燒燒拼盤 (6串/$118) - 呢客出場率與鹽燒牛舌可謂排全場頭幾位，6串包括鵪鶉蛋，鷄肉，免治雞肉棒，煙肉車厘茄，煙肉，鷄翼! 放上枱時已經聞到好香串燒味，但熱度無牛舌咁熱，有少少失分! 每串都各有特色，尤其係煙肉車厘茄，煙肉燒至乾身，咬落車厘茄就爆汁，好得!!雞肉濃湯烏冬 ($98) - 以火爐煮番滾就食得，一隻鷄肶加烏冬，二人分享都可以鷄肉同湯確係食到鷄味，而烏冬份量都唔少，口感相當滑溜，若然冬天食呢個就仲正!黑豚關西燒餅伴炒麵 ($88) - 木魚碎係燒餅上飛下飛下，中間餅身係有豚肉混合蛋醬加椰菜，食起黎唔覺太膩; 再加上有燒餅醬及沙律醬，酸酸味道都幾引
早去到都仲有枱，之後食到中途就見門口等位嘅人，環境佈局似居酒屋，聽講係黎自沖繩
餐牌上都提供好多食物選擇，價錢望落可接受，仲有套餐
帶子壽司 ($48) - 飯粒紮實，唔係一夾就散開，有醋香味; 帶子香軟，幾鮮甜!
12 瀏覽
0 讚好
0 留言
鹽燒牛舌 ($78) - 鹽粒洒上牛舌上，入口夠熱，燒得香之餘仲保留到肉味，有少少厚度，食起黎有一定口感! 好味!
14 瀏覽
0 讚好
0 留言
炭火燒燒拼盤 (6串/$118) - 呢客出場率與鹽燒牛舌可謂排全場頭幾位，6串包括鵪鶉蛋，鷄肉，免治雞肉棒，煙肉車厘茄，煙肉，鷄翼! 放上枱時已經聞到好香串燒味，但熱度無牛舌咁熱，有少少失分! 每串都各有特色，尤其係煙肉車厘茄，煙肉燒至乾身，咬落車厘茄就爆汁，好得!!
8 瀏覽
0 讚好
0 留言
雞肉濃湯烏冬 ($98) - 以火爐煮番滾就食得，一隻鷄肶加烏冬，二人分享都可以
4 瀏覽
0 讚好
0 留言
鷄肉同湯確係食到鷄味，而烏冬份量都唔少，口感相當滑溜，若然冬天食呢個就仲正!
黑豚關西燒餅伴炒麵 ($88) - 木魚碎係燒餅上飛下飛下，中間餅身係有豚肉混合蛋醬加椰菜，食起黎唔覺太膩; 再加上有燒餅醬及沙律醬，酸酸味道都幾引人胃口; 炒麵軟硬度適中，又唔太油! 呢個價錢相當抵食!
6 瀏覽
0 讚好
0 留言
招呼唔錯，雖然限食90分鐘但2人食都尚算足夠，除左個燒餅要耐D時間，其餘上菜都唔駛等好耐
張貼
