一樓咖啡室 (已結業)

今個月生日去食自助餐, 發覺樣樣都有番咁上下水準...生蠔和刺身 : 生蠔同三文魚都唔系季節, 但都幾好食, 證明來貨有番咁上下, 直得一讚!長腳蟹, 芝士龍蝦, 蝦和小龍蝦 : 好食又甜, 尤其欣賞紅卜卜既蝦(類似基圍蝦)， 小龍蝦(即螯蝦)味比較淡, 不過e隻蝦一向麻麻又冇咩肉, 所以香港先好少人食...法國蝸牛配薯蓉 : 蝸牛乾左少少, 不過都ok鮑魚雞粥 : 鮑魚唔多, 應該用左濕鮑唔系乾鮑, 雞肉老, D粥唔系好甜燒味 : 都OK, 唔系燒蠟鋪都做出水平算系咁架啦!甜品 : 樣樣都好食, 唔系交行貨食評, 我個人都幾鐘意食甜品架! 紅酒煮梨超正! 朱古力火鍋都唔錯, 驚喜在我比較對穌皮或麵粉皮既甜品麻麻, 但果個 “巴黎甜餅圈” 真系出奇咁好食, 裡面好香牛油味類似實少少既cream, 我最喜歡既口味!麵包布甸唔系正中既, 外面系麵包, 裡面全部系燉蛋! 好食系好食, 不過唔系我想果隻囉! 所有朱古力既甜品都重朱古力味, 好好食冇交行貨一定系用朱古力做, 唔系只系用可可粉!水果 : 哈蜜瓜最唔掂, 太淡冇甜味, 其他一般湯 : 幾好, 虫草花湯幾甜