芝士冰室 (已結業)

流心芝士雞扒芝士撈芝士撈揀咗公仔麵做麵底，而芝士就揀咗招牌原味嘅芝士。近乎螢光色嘅芝士非常搶眼。雞扒超大件，外層炸得香脆，入面保持嫩滑。切件嘅雞扒中心更加入流心芝士，令一碗芝士撈丁層次更加豐富。芝士奶蓋抹茶牛奶紅豆冰如果覺得芝士撈入邊各種芝士都未夠，再加埋呢一個特飲芝士奶蓋抹茶牛奶紅豆冰，就會更加滿足，更加滋潤。奶蓋上嘅芝士香濃，整杯紅豆冰嘅可愛綠茶色系亦十分吸引。一口食到芝士味，綠茶味，牛奶味同埋紅豆冰，感覺非常幸福。招牌流心芝士包招牌留心芝士包，用料係香脆嘅麵包，入邊載住大量嘅芝士，每一口都要小心翼翼，防止芝士喺嘴邊流出。