老馮茶居 (大棠路)

星期日一早起身好想飲茶食點心，唔想去大集團，貴得黎要排隊又唔係好好食，就山長水遠入咗元朗搵「老馮茶居」。其實之前已經食過大埔分店，覺得唔錯，係個地下油咗少少。今次去元朗店，等咗2分鐘左右就可以入座，記得只可以落一次單！家鄉砵仔排骨（$26）比起豉汁蒸排骨更入味👍中意食排骨嘅可以試吓呢款金牌炸芋角（$18）18蚊原來得2舊，我最中意食呢道，個炸網炸得非常鬆脆鮮蝦腐皮卷（$26）必食推介，上枱熱辣辣另外仲叫咗燒賣蝦餃腸粉，普通貨色，但飲茶必叫。