婆婆珈琲屋

營業中

休息中

終於黎依間bookmark 左好耐既日式cafe, 有得網上book 位好方便。晚餐同午餐既set 唔一樣，午餐係可以自選配菜，而晚餐就set 死左，剩係揀主菜同揀加唔加錢轉其他飯，唔轉就會係梅子配白飯。最後我揀左紅酒燉牛肉配梅子飯，本身有想轉明太子飯（需加$18), 但覺得個餸已經有汁好好送飯，就算了。一上枱覺得好精美，餐具好可愛。 但食落就覺得份量好少，餸既量ok 既但唔熱，只係暖暖地，飯真係幾啖就冇，好彩冇轉其他飯，轉左真係冇飯配餸。 牛肉方面，夠淋，但唔入味，d 汁就甜甜地，但冇紅酒味，普通味噌燉肉嘅感覺。 配菜有柚子醃蘿蔔，但未入味；茄子冇乜味；糖心蛋ok, 流心既。食完既感想係完全唔飽，聽到隔離枱都問有冇得剩叫白飯，睇黎大家都食唔飽，性價比太低。