泰麵膳 (已結業)

Lunch 食咩好，緊係捐窿損隙啦搵野食啦！今日就經過呢間泰麵店，細細間唔起眼！就係咁先好，因為唔洗排隊等餐死！打工仔得果一個鐘食飯時間，緊係唔可以因為等等等，等到過哂鐘啦！一入到去已經聞到牛肉湯既味，仲有酸味味既青檸味一聞到呢啲味我就知自己無入錯來喇！好有泰feel叫左碗冬陰公金邊粉！仲有埋野飲跟！嘩，好鬼正！杯泰式凍檸水係用青檸檬，好清新，篤極都唔會有苦澀味，糖漿係自己加，鍾意幾甜就幾甜！而且尖沙咀來講，一個包埋野飲既lunch,60蚊有找真係算好抵！最好既就係啲食物上得快！唔洗驚唔夠時間食！