牛陣 (德福廣場1期)

營業中

休息中

好多人排隊，等咗半個鐘先入到去。不過我呢啲不嬲都食唔多嘅人嚟講，嚟到呢啲自助餐地頭都係凳腳嘅啫。環境算企理，少少逼；因為嘢食地方有限，有時攞嘢食嗰陣撞正其他食客攞緊就要等等。大部分肉類就要靠餐廳職員幫手攞，不過都算快嘅。食材嚟計，我覺得幾新鮮，大部分蔬菜同輔食都應有盡有。湯底多選擇，梗有一款啱心水。甜品以haagen diaz雪糕為主，我去當晚有六款口味，當中以orange blossom最特別。我自己唔多嚟牛陣，感覺上好似點湯後第一輪牛肉同之後追加嗰啲有出入，色澤唔同，口感都唔一樣；又唔係唔好食嘅，唔知係咪關我哋點個餐事，係有啲奇怪啫。整體嚟講值得推薦。