影片
更多
2018-08-13
386 瀏覽
上次食左樸生的料理店，一直念念不忘佢清新脫俗的味道，尤其掛住佢杯羽衣甘藍冰沙獨特的香氣，知道佢隔離仲有一間buffet店，而且仲系素buffet，今天專程來品嚐。見到網上對佢評價兩極分化嚴重，尤其系負評甚多，抱住好奇亦興奮的心情來食素buffet,老實講，好奇系因為想知道點解咁多人寫得咁差，明明隔離的料理店出品優秀，呢邊的自助餐又差到去邊？而我地本身就比較喜歡食素，成日都會去食齋菜或整沙律，素食有利健康嘛！知道佢系素自助，自然興奮了！門口check in比錢之後就可以每人揀一款main course ，原來是半自助，我地揀左豆腐素芝士漢堡同素芝士荷蘭大磨菇鐵鍋飯。店員會詳細介紹店內用餐的特色，講解如何diy自己喜歡的拌飯或飯團，又介紹菜式特點同種類及位置，講解素食的成分，十分熱情！餐廳同隔離料理店一樣，裝修都簡約清爽，彰顯清新自然的風格，正如其名「樸生」，樸素生輝，食素有益健康吖！每張枱都有一個電磁爐，方便自助整年糕部隊鍋，真系好正！首先，main course 上場。👉🏽素芝士荷蘭大磨菇鐵鍋飯，要小心鍋邊熱。全素！賣相好靚，各種蔬菜配搭磨菇，面層鋪滿芝士，香味撲鼻！將溶化左的芝士拌飯
上次食左樸生的料理店，一直念念不忘佢清新脫俗的味道，尤其掛住佢杯羽衣甘藍冰沙獨特的香氣，知道佢隔離仲有一間buffet店，而且仲系素buffet，今天專程來品嚐。見到網上對佢評價兩極分化嚴重，尤其系負評甚多，抱住好奇亦興奮的心情來食素buffet,老實講，好奇系因為想知道點解咁多人寫得咁差，明明隔離的料理店出品優秀，呢邊的自助餐又差到去邊？
而我地本身就比較喜歡食素，成日都會去食齋菜或整沙律，素食有利健康嘛！知道佢系素自助，自然興奮了！
門口check in比錢之後就可以每人揀一款main course ，原來是半自助，我地揀左豆腐素芝士漢堡同素芝士荷蘭大磨菇鐵鍋飯。
店員會詳細介紹店內用餐的特色，講解如何diy自己喜歡的拌飯或飯團，又介紹菜式特點同種類及位置，講解素食的成分，十分熱情！餐廳同隔離料理店一樣，裝修都簡約清爽，彰顯清新自然的風格，正如其名「樸生」，樸素生輝，食素有益健康吖！
每張枱都有一個電磁爐，方便自助整年糕部隊鍋，真系好正！
首先，main course 上場。
👉🏽素芝士荷蘭大磨菇鐵鍋飯，要小心鍋邊熱。
全素！賣相好靚，各種蔬菜配搭磨菇，面層鋪滿芝士，香味撲鼻！將溶化左的芝士拌飯，別有一番風味，食左一半我地醒起問店員拎辣醬，即刻石鍋飯大變身，變成辣味石鍋！正！👉🏽豆腐素芝士漢堡
豆腐漢堡我地系第一次食，十分有驚喜！
豆腐不是普通的豆腐，食落有咬頭，竟然似食緊肉，即系用菇同豆腐制成的齋，好特別！配有紫薯片，又靚又健康。
食完main course,我地就向自助區進軍，各種素菜食材質素極高，新鮮亦選擇多。自助餐的食材質素糸成敗關鍵，呢一點好值得一提，「樸生」做得好好，我會豪不猶豫比正評！
美中不足的是飲品方面弱左的，選擇少左d。
我地DIY左一個年糕部隊鍋，素火腿，素腸，菜，年糕...加上湯底，在電磁爐上加熱。原本想試下網上講既羽衣甘藍湯底，可惜今晚系傳統辣醬汁同素清湯。所以我地揀左辣醬汁，火辣辣好好味。
尤其好味系素火腿，又系一大驚喜！在辣湯中煮過的素火腿，特別好味，口感好似食緊肉，仲見到肉絲！不得了！之後我地加左好多入去煮。
至於韓式拌飯同飯糰，因為太飽了，我地冇加米飯，只系拎左N種素菜料，玉米，青瓜，胡蘿蔔，紫菜，藜麥，果仁.....整左個勁健康的靚靚沙律。
最後我地又DIY左豆腐花，加左N種料，不得不贊豆花好滑，公和荳品出品。
素蛋撻，芝士蛋糕，都好好味。
仲有湯供應，南瓜湯好綿密。
最後我地試左少少蜜黑豆，Q軟甜蜜蜜，為自助素食划上完美句號。
張貼
