J.Co Donuts & Coffee (已結業)

冬甩多款式不嬲都受女仔歡迎，尤其是係粉紅色紅色呢啲顏色鮮豔嘅款，更加好吸引人，不過為咗避免食嚟食去都係水果味，今次選擇咗外表比較樸實嘅綠茶味。哩個冬甩嘅質感同普通麵包鋪嘅比相對較為軟熟，如果喜歡口感比較實淨嘅人可能未必太適合，感覺有啲似食鬆軟版嘅菠蘿包底哈哈。抹茶味唔算太出，食左先有淡淡地，聞唔出嘅。不過奶味相對濃一啲，都不失為一個幾清新嘅味道，但如果抱住食日式抹茶嘅期望可能就會有啲不一致喇。其實地面嘅花紋都幾靚，算係幾有心思，底部仲有少少朱古力，所以同比較淡嘅綠茶味夾埋，都算適合。可能因為呢個味道上面少左d topping,所以口感上略為單調，但因為都幾甜食完都好飽肚。性價比都叫高