影片
更多
2018-06-07
454 瀏覽
乜乜軒物物軒，多半是吃中菜的地方，仲要係高級個隻。 譬如龍景軒、天龍軒、欣圖軒、國金軒、海景軒...... 然而，凡是總有例外，汀九的橋底酒店，Royal View Hotel，裡面的帝景軒，卻是吃自助餐的，家住荃灣的我，自然不是首次惠顧。 酒店位置始終比較隔涉，要靠接駁巴士入來，所以自助餐的價位也會非常便宜，禮拜一至五的話，三舊水有找（另要加一），點睇？ 今期做緊既主題，係『尋味東南亞。龍蝦海鮮自助晚餐』。 每人奉送半隻蒜頭牛油焗龍蝦，龍蝦肉不韌，又有羔，無咩投訴。 半隻焗龍蝦當然唔夠喉，還有一系列的凍海鮮，如龍蝦鉗、翡翠螺、蟹腳等等，任你吃過夠。相信大家都知，龍蝦鉗素來是比蝦身的肉鮮甜。 既然其中的主題係尋味東南亞，自會有不少當地特色美食，泰式魚餅和蝦餅，沾上汁醬，醒胃有風味。沒有星洲的胡椒炒蟹，但就換來坡式辣椒炒青口，惹味非常。炭燒蒜茸焗蠔，蠔迷自然不能錯過。 就是飯麵，也帶出東南亞風情，印尼炒飯，可惜為遷就大眾口味，唔夠辣，同埋欠缺了太陽蛋。 燒牛肉是自助餐必然之項目，各位食肉獸，應該知定的。 甜品專區，設有不少細細件／杯的蛋糕和布甸，不過以蛋糕去計，個人認為斑蘭蛋糕水準至高，
乜乜軒物物軒，多半是吃中菜的地方，仲要係高級個隻。譬如龍景軒、天龍軒、欣圖軒、國金軒、海景軒......
然而，凡是總有例外，汀九的橋底酒店，Royal View Hotel，裡面的帝景軒，卻是吃自助餐的，家住荃灣的我，自然不是首次惠顧。
酒店位置始終比較隔涉，要靠接駁巴士入來，所以自助餐的價位也會非常便宜，禮拜一至五的話，三舊水有找（另要加一），點睇？
今期做緊既主題，係『尋味東南亞。龍蝦海鮮自助晚餐』。每人奉送半隻蒜頭牛油焗龍蝦，龍蝦肉不韌，又有羔，無咩投訴。
半隻焗龍蝦當然唔夠喉，還有一系列的凍海鮮，如龍蝦鉗、翡翠螺、蟹腳等等，任你吃過夠。相信大家都知，龍蝦鉗素來是比蝦身的肉鮮甜。
既然其中的主題係尋味東南亞，自會有不少當地特色美食，泰式魚餅和蝦餅，沾上汁醬，醒胃有風味。沒有星洲的胡椒炒蟹，但就換來坡式辣椒炒青口，惹味非常。炭燒蒜茸焗蠔，蠔迷自然不能錯過。
就是飯麵，也帶出東南亞風情，印尼炒飯，可惜為遷就大眾口味，唔夠辣，同埋欠缺了太陽蛋。
燒牛肉是自助餐必然之項目，各位食肉獸，應該知定的。
甜品專區，設有不少細細件／杯的蛋糕和布甸，不過以蛋糕去計，個人認為斑蘭蛋糕水準至高，散發出幽幽斑蘭香。
重點，其實更在於雪糕之中，杯裝的雀巢與哈根大師，大家應該知道那樣較受歡迎吧！原來，仲有迷你版本的HD雪糕磚，好可愛，而我挑的呢款芒果紅莓口味，味道也隹。
還未試過下午來，但總覺呢度既環境氣氛，來歎過下午茶會是不錯的。
張貼
