泰潮 (已結業)

晏晝一落機第一時間，就梗係衝去搵嘢食。但係機場出名食嘢貴，所以要周圍行下搵下啲平民價嘅嘢食！！ 去到二號客運大樓某個角落，搵到呢間泰式餐廳，之前喺深水埗食過，今次就試下機場呢一間分店～～ 環境都算寬敞，都適合客人聊天，只係服務員態度有待改善。講番嘢食先，叫咗兩個午餐，好有心思嘅係，佢用個心心碟餸上嚟㗎！泰潮海南雞飯餐係機場嘅質素，不能要求太多。海南雞肉質唔夠嫩滑，味道都唔太足夠，不過我都想讚下佢嘅油飯整得幾入味。泰潮鹵水豬髀飯餐豬髀飯豬髀夠肥， 而且好入味喎！肉質淋身，咬落去啖啖肉。另外仲有豬腸，肉質彈牙， 一啲怪味都冇，唔錯！