翠華餐廳 (香港國際機場)

營業中

休息中

搭早機前去翠華食個早餐，成日聽到人哋話翠華質素每況愈下。平時唔多食翠華嘅我今日終於感受到，的確麻麻哋唔係咁好食。質素唔係咁好而且價錢比起其他嘅連鎖餐廳櫃。CP值的確麻麻哋，大家睇吓個餐牌。一個公仔麵收人$48的確有啲狼，但係機場選擇唔多唯有試一試佢啦。我叫咗呢個行政早餐係炸魚柳配番茄豆同埋炒蛋。個魚柳炸粉比較而且魚柳揸得過火左冇乜味道。但係個炒蛋都整得唔錯夠滑同有蛋味。另外而家個奶油豬變咗細嘅牛油豬仔包，要另外問佢攞煉奶先可以食。總括嚟講餐廳變咗出名就好難維持到個質素，可能因為太多人嚟啦。佢未至於難食但係我寧願去樓下大家樂食啦下次。