Tonkotsu 8 by 三田製麵所 (香港國際機場機場一號客運大樓)

營業中

休息中

好耐未去過機場，今日送閨蜜機，睇住佢入閘之後，我就喺一號客運大樓嘅Tonkotsu 8 by 三田製麵所食埋嘢先出市區。之前食過尖沙咀分店，佢嘅叉燒同炸雞都出名，所以就索性叫個叉燒炸雞拉麵。叉燒同炸雞都好嫩滑，拉麵軟硬適中，湯底都正。朋友就揀咗吉列豬扒咖喱飯，日式咖喱汁真係好香，吉列豬扒外脆內軟，送飯一流。我哋仲配埋小食，炸雞中翼總共有四隻，係黑胡椒風味。另外仲叫咗煎餃子，餡料用鮮肉製造，皮又夠薄，食起上嚟都好多汁。