台灣牛肉麵 / 中國廚房 (已搬遷) 新店位置

早幾日經過這裡，辣椒女話不如試試這間吧，之後便入去了。因唔多肚餓，我們只叫了兩個小菜，包括：叉燒燒肉和粉絲什菜煲。叉燒燒肉- 叉燒又韌又瘦，真係要好有牙力才可以咬得到，食了幾舊，咬到牙都軟，最終都放棄了；燒肉明顯是返焗的，雖然外皮幾脆，但肉質一樣唔得，死實實，但總比叉燒好一點。粉絲什菜煲- 菜還算新鮮，幾隻蝦米仔也幾香，算係合格啦！如這味菜都差，就真係幾過份了。價錢一d都唔平，食物質數唔成正比，唔多值得再試。