紅番茄餐廳 (已結業)

離開母校，諗住去地鐵站又行多左條街，估唔到而家橫街多左好多食肆，以前既裝修店、服裝配料店都唔見。見有D肚餓就入左其中一間西餐廳試下。間餐廳裝備歐陸感，好悠閒既感覺，同外面條街有強烈對比。好耐無食西冷扒，我無諗就直接叫左板燒紐西蘭西冷扒配紅酒燒汁，無幾耐就上左熱辣辣既餐包同湯。聽到個侍應講係即時焗熱，熱既包，點食都好好食。湯係蕃茄湯，都幾好喝。主菜上，望落都幾大塊，我覺得可以再生D，但都可以，呢個價錢唔算差。反而D薯條估唔到好好味，沙律都唔錯。以為食完，點知有甜品，我都幾鍾意。