影片
更多
2016-06-21
1039 瀏覽
老婆卒之完晒啲課程開始放暑假，慶祝佢暫時脫苦海，所以，同佢食餐好嘅。因為佢未食過 西班牙小（Tapas），故造就今晚到訪One Minden，試試小食，試試西班牙焗飯 。尖沙咀喺不時出沒嘅搵食地區，不過，緬甸臺依截小片區就較少過嚟，但知道因為附近多咗大型商場，新酒店，近三幾年真喺變得唔同晒。餐廳晌緬甸臺街口，正正晌K11對面，甫進去就會覺得唔止有氣氛，亦好舒展，皆因枱櫈排得啱密，而且，樓底極高，予人空間感強；再者，配合埋柔和舒服嘅燈光，枱上擺放蠟燭燈，點點火光，實在夠情調 。客人多以斯文客、情侶為主，輕鬆之餘，又唔會太嘈吵。坐低咗，唔需要問店主攞餐牌，因喺菜式全印晒晌枱上嘅餐紙墊，依個安排又幾好，因為大家都睇到所有菜式，方便一同研究食乜好 ！菜式以 Taste、Bread、Share、Eggs、Savour及Fresh作為分類，而當中嘅Taste同Savour都可以睇為西班牙嘅小食。飲品就印晌另一個餐牌中，選擇多的是， 西班牙特飲Sangria必然出現，仲有多款紅白餐酒、氣泡酒、啤酒、烈酒及雞尾酒；當然，唔多飲得嘅如我倆公婆，啡茶、汽水、果汁一樣有得揀 。 Cranberry
餐廳晌緬甸臺街口，正正晌K11對面，甫進去就會覺得唔止有氣氛，亦好舒展，皆因枱櫈排得啱密，而且，樓底極高，予人空間感強；再者，配合埋柔和舒服嘅燈光，枱上擺放蠟燭燈，點點火光，實在夠情調 。客人多以斯文客、情侶為主，輕鬆之餘，又唔會太嘈吵。
坐低咗，唔需要問店主攞餐牌，因喺菜式全印晒晌枱上嘅餐紙墊，依個安排又幾好，因為大家都睇到所有菜式，方便一同研究食乜好 ！菜式以 Taste、Bread、Share、Eggs、Savour及Fresh作為分類，而當中嘅Taste同Savour都可以睇為西班牙嘅小食。
飲品就印晌另一個餐牌中，選擇多的是， 西班牙特飲Sangria必然出現，仲有多款紅白餐酒、氣泡酒、啤酒、烈酒及雞尾酒；當然，唔多飲得嘅如我倆公婆，啡茶、汽水、果汁一樣有得揀 。
Cranberry Juice / Mango Juice $50 夏日炎炎，先嚟一杯冰涼果汁份外怡人，加試一陣所點嘅食物都喺比較重味、熱氣嘢，清涼嘅果汁就啱晒用嚟緩和下。
小食中，小弟揀咗Taste裡面嘅炸菠菜球同炸西班牙芝士，其實，內裡仲有好多選擇，平有平食，貴有貴揀，豐儉由人。
Spinach Croquetas $65 一客有4粒炸得金黃橢圓嘅炸菠菜球，外層鬆脆，而且入口一啲都唔油，內裡唔單單喺菠菜蓉，應該仲加入咗少少麵粉之類，因為咬落有少少黏黏糯糯嘅口感。
Fried Manchego Cheese $63 簡簡單單，就喺月7脆炸西班牙芝士（Manchego Cheese），同樣一客有4件，芝士裁成三角形，入口外脆內綿，芝士味唔喺好濃嗰類，所以，有少少食緊啲日式芝士年糕咁，而最驚喜喺伴有鮮紅莓醬，酸香清甜，可大大減低油膩感。
Roots & Leaves Salad $88 都怕老婆食得油膩，所以，點一道「根葉」沙律作平衡，個沙律望落非常清新，真喺好多根、葉類蔬菜，入口爽到索索聲，淋上少少蜜糖芥末汁，極之好食。
眾所周知，西班牙大鑊飯（Paella）喺西班牙菜中嘅名物，除傳統嘅西班牙海鮮飯之外，仲有配豬肉或者素菜，兼甚具彈性有中份或大份可選。既然盡量就老婆，就揀個素西班牙焗飯啦 。
Vegetables Paella $258 菜牌都標明材料有雅枝竹、蘿蔔及蘑菇，其實仲有啲蜜糖豆、青豆……等等，點咗個中份，份量之大真喺唔講得笑，結果就連我依個包底王都要放棄，老婆打包拎返去當第二日午餐。
整體味道不俗，陣陣香氣，飯粒軟綿有咬口，卻帶少少濕潤，內裡平衡混入好多蔬菜，感覺健康有營。食得太多肉，食番多啲素菜，輕怡又有益啲 。
上面都提及過，包底王如我都清唔晒鑊飯，所以，連甜品都當然無機會一嚐，未能比教吓依度嘅西班牙油炸鬼喺做成點。雖然，今晚喺嚟食西班牙菜，但一樣可以投「素」有門，橫掃多款素食 ！
張貼
