影片
更多
2006-03-20
36 瀏覽
哇!有十八種蟹食呀,又法國羔蟹, 又花刺蟹, 諗住$328都ok喎! 總有八折添, 抵哂啦!點知...去到行完一圈已經有被騙的感覺!!! (係佢有明顯改善/改變前千期唔好去呀!)首先講下蟹.. 唉! 完全見唔到一隻完完整整的蟹!就算最平的水蟹,街市賣$28斤的羔蟹都無... 完成欠奉! (佢廣告的相好正, 但一樣都見唔到!)唯一感覺到/知道自己係食緊蟹既就係在冷盤區夾到的蟹(腳)，有兩種:一種係好似筷子咁幼既，另一種就粗D，不過俾人切到得一隻手指咁短(本人得集手好似十一,二歲小朋友的大小)! 不過最後當所有人的臺面都放了甜品的時候，我終於見到有一隻完完整整的蟹(腳)係冷盤區(都有1寸粗, 長過一隻筷子既)!咁我當然唔客氣啦!(全晚最精彩係佢架啦)其實佢做得好好架(個介紹蟹的展示板), 佢有齊18款蟹的模型，我諗我成晚的最大得著就係睇到這個做得靚靚的展示板(不過有得睇無得食!) 放係個展示板前係一小碟一小匙的前菜, 約有6款，每款前菜的菜名都有個蟹字, 但係前菜用料的比例大約1:4啦. 蟹係1份, 其他食物係4份!我一口可以將那小碟食完(我隻手咁細, 你唔會估我個口好大架嗎!)好講下湯,
首先講下蟹.. 唉! 完全見唔到一隻完完整整的蟹!就算最平的水蟹,街市賣$28斤的羔蟹都無... 完成欠奉! (佢廣告的相好正, 但一樣都見唔到!)
唯一感覺到/知道自己係食緊蟹既就係在冷盤區夾到的蟹(腳)，有兩種:一種係好似筷子咁幼既，另一種就粗D，不過俾人切到得一隻手指咁短(本人得集手好似十一,二歲小朋友的大小)! 不過最後當所有人的臺面都放了甜品的時候，我終於見到有一隻完完整整的蟹(腳)係冷盤區(都有1寸粗, 長過一隻筷子既)!咁我當然唔客氣啦!(全晚最精彩係佢架啦)
其實佢做得好好架(個介紹蟹的展示板), 佢有齊18款蟹的模型，我諗我成晚的最大得著就係睇到這個做得靚靚的展示板(不過有得睇無得食!) 放係個展示板前係一小碟一小匙的前菜, 約有6款，每款前菜的菜名都有個蟹字, 但係前菜用料的比例大約1:4啦. 蟹係1份, 其他食物係4份!我一口可以將那小碟食完(我隻手咁細, 你唔會估我個口好大架嗎!)
好講下湯, 有兩款, 中同西: 中式係咩海皇湯, 味好濃, 不過食唔到蟹肉! 西湯-好滑, 不過又係食唔到蟹肉!
到熱葷啦，都幾多款, 約六七八款啦, 我唔係好留意因為我食buffet通常唔食熱葷,(我好快飽)。好似幾靚, 菜名有蟹字既我都睇過, 都有蟹(腳)，個身唔知去左邊! 據一位好似較高級waiter過黎寒暄的時候，我地大表失望的時，佢話有蟹身同蟹羔架，不過我地唔夠人快、唔夠人搶。(唉!俾3佰幾都要同人鬥快鬥搶，家陣d錢真係咁唔好洗?我記得在金鐘香格里拉都係差唔多價錢，不過唔洗搶!)
呀!有係鑼板燒位置，不過成晚都無咩見人食牛肉，多數係菜!幾健康呀。有生滾粥, 我見到有魚肉(好似斑片咁)放哂係度，我媽媽同佢講要魚肉呀唔該, 跟住個大廚話已經加左落煲粥裡面，我估可能煲得耐所以溶哂，我就睇唔到我媽媽碗粥有魚片啦!
我本人就最喜歡甜品同咖啡，所以食完兩支蟹腳就食甜品。全部都好細件，幾好。可以試多d款。佢幾創新架，有朱古力砵仔羔，都可以啦爽爽地，有d朱古力味。另外有朱古力藍莓芝士旦羔，唔算好差!朱古力粒好多，不過食唔到藍莓味，芝士味都有d。紅豆綠茶卷既紅豆ok啦，幾大粒幾“諗”。其他無食!
佢有架TCBY的軟雪糕機，可以自己“G”落雪粒筒。佢有三個出雪糕的位，有一個口有一條雪糕半天釣，我唔敢要!另一個口的下面，有一餅雪糕“撻”左係個盆度，我申唔到個雪糕筒埋去! 最後一個口叫乾乾淨淨，我好大力“G”左兩卷雪糕出黎，不過佢唔斷氣!最後又係有半條半天釣，真係對唔住下一位食客啦!
到咖啡啦!佢幾好有得自助任你飲。不過唔知佢D咖啡係自己炒定個供應商炒埋俾佢，濃左D!(順便一提，係糖街NEWAY晚間BUFFET有任飲咖啡，係按制出那隻呢，幾好飲架!味道好似係COFFEE SHOP賣成廿蚊杯的咖啡咁，幾得架)。
哇…打左好耐，應該都講哂啦!就算未都應該有所保留。雖然有被騙的感覺，但食完唔會好氣憤，因為個WAITER都好識做。佢應該知我地唔滿意，自動俾左一位半價我地(佢地做緊巨蟹座同雙魚座半價)。
另外個還境都OK，算坐得幾舒服。
呀!訂位的時候佢話要俾$500 DEPOSIT留位，要我地填左張FORM，俾CREDIT CARD NO.佢過數，我地簽左FAX返俾佢。食食下有個WAITER送返張FORM俾我地話其實無過數，只係想我地簽一簽以示作實訂位，其實係唔會過我地數。這點做得幾好。值得一讚。
如果真係想試18款蟹就唔好去啦。我記得係SOGO買隻法國羔蟹都係約3佰蚊，好多刺的大蟹就2百幾。應該夠3，4個人食。
張貼