影片
更多
2009-08-09
58 瀏覽
果真是年頭講到年尾, 由團年飯的possible choice, 到開年, 到某某生日, 呢間餐廳, 永遠on 我地既Possible list. 今次沒有特別occication, 純為食一餐. 就在冰池邊擺下兩圍, 是晚拆蟹搣蝦.我找錯路, 在西灣河體育館樓下既大排檔呆企了一會兒, 才發現, 原來港島東體育館在不太近的別處, 不熟識西灣河的人, 真的要花一花心機去搵. 我到達, 沒吹水多久, 上菜時間到了. 首先上了一盤蝦. 侍應姐放好盤蝦之後, 弄一弄下面的鍚紙...眾人嘩然一聲, 整張檯突然煙霧迷漫.......原來這就是好睇又好食的桑拿蝦. 那些煙絕對不是乾冰的煙幕效果, 出來的是水氣, 帶有少少燶味. 不過這是健康的氣味.鮑片, 上面有蝦子令到香味加重. 濃得黎只是因為蝦子味好, 其他伴菜保持清淡味道.另一個好睇又好食既, 就是火焰羊架. 羊肉肥瘦參半. 火焰高開, 羊架端來來時, 像是正在燒著. 味道不太羶. 但充滿羊味. 亦正因為是熱食, 肥油香味未變, 而正接令羶變香. 所謂的羶香就是這個味道吧.腰果西芹百合花支帶子, 間場的一道比較清淡的小炒. 再來亦是濃味的芝士會
我找錯路, 在西灣河體育館樓下既大排檔呆企了一會兒, 才發現, 原來港島東體育館在不太近的別處, 不熟識西灣河的人, 真的要花一花心機去搵.
我到達, 沒吹水多久, 上菜時間到了. 首先上了一盤蝦. 侍應姐放好盤蝦之後, 弄一弄下面的鍚紙...眾人嘩然一聲, 整張檯突然煙霧迷漫.......原來這就是好睇又好食的桑拿蝦. 那些煙絕對不是乾冰的煙幕效果, 出來的是水氣, 帶有少少燶味. 不過這是健康的氣味.
鮑片, 上面有蝦子令到香味加重. 濃得黎只是因為蝦子味好, 其他伴菜保持清淡味道.
另一個好睇又好食既, 就是火焰羊架. 羊肉肥瘦參半. 火焰高開, 羊架端來來時, 像是正在燒著. 味道不太羶. 但充滿羊味. 亦正因為是熱食, 肥油香味未變, 而正接令羶變香. 所謂的羶香就是這個味道吧.
腰果西芹百合花支帶子, 間場的一道比較清淡的小炒. 再來亦是濃味的芝士會蟹蓋釀元貝伊麵底, 其實有點像龍蝦伊麵. 蟹蓋釀了, 有少少蟹肉. 帶子帶著裙邊, 芝士味香濃. 之後, 是一般酒席都有的蒸魚, 豉油夠哂甜, 火候十足, 魚肉新鮮離骨, 好易拆. 食落肉嫩肉甜.
上次食奇香雞, 今次有爆丈雞, 蔥味加上芝麻味, 亦有好香的雞味. 瘦就瘦了點, 入味, 但蓋過了原有的雞香. 不過芝麻雞就是這樣, 最重要不是雞本身的味道, 而是調味得夠唔夠入味.
是日主角, 是價值$800的阿拉斯加蟹粥, 上來時, 眼見侍應大哥非常辛苦, 相信都幾重份量. 坐在昭君位的我, 當然要讓步. 讓他把大窩粥放下, 然後分碗. 鮮味, 加上蟹的甜味. 不錯. 但, 難道我食慣cheap野, 始終覺得水蟹粥正D. 不過, 食落蟹肉非常鮮甜, 而且隻蟹夠大, 雖只分了一隻腳, 但已經係非常的好肉好份量.
櫻花白雲扒碧綠, 總有點"菜"式, 上面落了蟹柳汁, 不錯的. 之後來一個魚翅湯 (佛跳牆), 上湯過橋鮮蝦卷, 都是美味之作. 國家級廚師播, 當然不會失手啦.
來糖水之前, 有一個黃金裹蒸粽, 當飯上, 切成小塊的粽, 上面鋪上木魚, 感覺是一個幾得意的配搭.
甜品是南瓜椰汁珍珠燉官燕. 名貴的甜品, 不是在高尚的餐廳享受, 另有一番風味.
整個泳池餐廳, 氣氛非常好, 當日也有不少是生日飯局. 生日歌一起, 全場高唱, 非常之開心, 縱使工作不如意.......記得劉雅麗的一首歌.....裡面一句..."通通拋諸腦後"....公司高層要橫行...就在是晚的橫行霸局, 把那些橫行的蟹, 通通吃掉吧.
張貼
