武士拉麵 (已結業)

店舖位置唔太起眼，鋪仔細細充滿風味。一入鋪有兩位師傅熱情招呼。 餐廳菜式以日本古代名將命名，坐低諗唔到食咩就直接叫師傅幫我話事。師傅介紹我食豐臣將軍拉麵，湯底為四國香蔥油豚骨湯底，飲落有蔥油的香，配上豚骨可解膩，蔥粒食落新鮮爽口。叉燒為傳統既圓形五花叉燒，上菜前會用火槍燒下逼出油份，十分香口。 其次師傳就推介左德川將軍拉麵，拉麵為魚介豚骨湯。湯底魚介味突出，十分鮮味，配上濃厚既豚骨湯，飲落濃味得黎又順口，不會死咸。試完一啖湯完再加入鋪頭秘製既魚油，令成碗湯既鮮味上提到另一個層次。 之後叫左個煎餃子，餃子為椰菜豬肉餡，食落菜肉分明，食得出粒粒肥豬肉及爽口的椰菜，不會切到爛哂，而餃子汁同坊間不同，呢到較似照燒汁既味，調味較甜。 麵好食，湯好飲，美中不中的是小店可能當日有兩部冷凍唔記得開一部，食到尾出哂汗，哈哈，不過下次早D同師傅講就得 總結小店形式，味道比例傳統既拉麵，會再幫襯。可惜既係聽師傅講佢地好似七月就唔做，珍惜現在，推介大家去試下！