峇里餐廳 (已搬遷) 新店位置

做左research知道呢間印尼野係好食ge~8點半左右到,以為會人多啦,點知入邊只係坐左3,4枱左右!一入到去暗暗地又咁少人,真係驚中伏!不過信食評唔呃人,點都去食!絕對冇後悔呀!入到去有個男人問要茶定水,有得揀都幾好!要左兩杯水!menu有唔同set或就咁dinner,對setD小食冇咩興趣,就散叫啦!本來想食咖哩但女朋友挖算叫個咖哩雞飯,咁我就唔撞啦,於是叫左個巴東牛肉飯!起初都有D驚D牛肉韌架,不過結果係喜出望外播!D牛肉好淋好入味,配埋D汁好好食!如果撈埋飯簡直一流!佢D餸上邊仲有D脆脆地ge野,口感好好,令到D牛肉仲好食!D牛肉又多,個飯食晒仲剩低半碟牛肉!咖哩雞飯D薯仔好淋好好食!相比起牛肉,雞就普普通通,不過都係ok ge!咖哩汁係算稀果D,不過都夠味,撈飯足夠有餘!另外仲叫左3串豬3串雞,佢個沙爹汁好正好好味,配埋D肉令到個串燒好好味!本身燒得唔錯,沙爹汁唔只點綴,有D昇華ge感覺!臨走仲好有禮貌咁say bye bye,讚呀!總括黎講唔好單睇間野外表,佢D野絕對好食!