茶痴

營業中

休息中

焦糖綿芝斑蘭金枕頭榴槤（$70）身為一位榴槤控，見到榴槤呢兩個字已經吸引咗我特登去幫襯叫咗少甜，怕會好膩呢杯飲品包含有一大殼榴槤蓉，少少甜好清新嘅斑蘭沙冰，最頂係焦糖綿芝奶蓋，好足料！榴槤啱啱熟唔係話好大味嗰啲，建議飲之前攪下個底啲榴槤味會均勻啲。斑蘭味比想像中淡，唔會好甜，好消暑最正都係個芝士奶蓋，好smooth唔太咸，夠厚加上即燒嘅焦糖非常出色總結呢杯飲品及格嘅，不過對榴槤控嚟講金枕頭唔係好夠味，斑蘭味幾淡可以再濃啲，個奶蓋最出色不愧係招牌！但係好欣賞老闆用料新鮮，純天然味道，成本係會高啲，都值得大家支持落去！